فيديو: حل المسائل الكلامية التي تشتمل على أعداد مكوَّنة من رقم واحد بإيجاد القيمة المطروحة المجهولة‎

كان هناك ٦ سمكات في بركة. أكلت الطيور بعضًا منها، فتبقى ٣ سمكات في البركة. كم عدد السمكات التي أُكِلت؟

٠٢:٢١

‏نسخة الفيديو النصية

كان هناك ست سمكات في بركة. أكلت الطيور بعضًا منها، فتبقى تلات سمكات في البركة. كم عدد السمكات التي أُكِلت؟

السؤال بيقول لنا إيه؟ إننا عندنا في بركة، كان فيه ست سمكات؛ يبقى عدد السمك الكلي كان كام؟ ستة. أكلت الطيور؛ يعني نقّصنا منها، عشان الطيور خدت منها، عدد معيّن. أكلوا كمية ما نعرفش هي إيه. فاتبقى؛ يعني الناتج اللي اتبقى عندنا أو السمك اللي اتبقى عندنا تلات سمكات. يبقى الطيور بقى كلوا قد إيه؟ ده اللي إحنا عاوزين نعرفه؟

طيب هنعرفه إزاي؟ إحنا كان عندنا عدد السمك كله ستة. بعد ما الطيور خلّصت أكل ما اتبقلناش غير تلاتة. علشان نعرف الطيور كلت سمك قد إيه، بنطرح. بنطرح التلاتة دي من الستة.

فنيجي نقول إيه؟ على جنب هنا، ستة ناقص تلاتة. هنطلّع ستة على إيدينا، ونشيل منهم التلاتة. آدي واحد، اتنين، تلاتة. اتبقى لنا إيه؟ واحد، اتنين، تلاتة. اتبقى لنا تلاتة برضو. يبقى ستة ناقص تلاتة تساوي تلاتة. فده معناه إن الطيور كلت تلات سمكات. فاتبقى لنا تلات سمكات.

ولو جينا نمثّلها عشان نفهمها أكتر؛ واحد، اتنين، تلاتة، أربعة، خمسة، ستة. ست سمكات. وآدي الطائر اللي بياكل السمك. هياكل تلات سمكات؛ واحد، اتنين، تلاتة. فاتبقى لنا كام سمكة؟ اتبقى لنا واحد، اتنين، تلاتة؛ ده معنى ستة ناقص تلاتة تساوي تلاتة.

فكده عرفنا وفهمنا ليه قُلنا إن الطائر كَل تلات سمكات؟ علشان اتبقى تلاتة. فتبقى الإجابة بتاعتنا هي إيه؟ هي تلاتة. هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.