فيديو: تبسيط المقادير الكسرية

بسِّط (ﺱ^٢ + ٥ﺱ − ٢٤)/(ﺱ^٢ + ١٥ﺱ + ٥٦) بالكامل.

٠٢:٠٤

‏نسخة الفيديو النصية

بسّط س تربيع زائد خمسة س ناقص أربعة وعشرين، الكل مقسوم على س تربيع زائد خمستاشر س زائد ستة وخمسين؛ بالكامل.

المقدار المُعطى في السؤال بيتكوّن من قوس واحد من الدرجة التانية في البسط، وقوس واحد من الدرجة التانية في المقام. فعلشان نبسّط المقدار ده، هنحلل القوس اللي في البسط، وكذلك القوس اللي في المقام.

هنبدأ بالقوس اللي في البسط، اللي هو س تربيع زائد خمسة س ناقص أربعة وعشرين. علشان نحلّل القوس ده محتاجين عددين حاصل ضربهم يكون أربعة وعشرين، والفرق ما بينهم يكون بيساوي خمسة. العددين دول همّ هيكونوا تلاتة وتمنية. ويبقى إذن البسط هيبقى عبارة عن س زائد تمنية، الكل مضروب في س ناقص تلاتة.

أما بالنسبة للقوس اللي في المقام، اللي هو س تربيع زائد خمستاشر س زائد ستة وخمسين. علشان نحلّل القوس ده، محتاجين عددين حاصل ضربهم يكون ستة وخمسين، ومجموعهم خمستاشر. العددين دول همّ سبعة وتمنية. فيبقى إذن المقام هو عبارة عن س زائد تمنية، الكل مضروب في س زائد سبعة.

دلوقتي لو بصّينا على البسط والمقام، هنلاقي إن القوس س زائد تمنية موجود في البسط وموجود كمان في المقام. يبقى إذا نقدر نختصر القوسين دول مع بعض، ويبقى المقدار هيساوي س ناقص تلاتة الكل مقسوم على س زائد سبعة.

دلوقتي المقدار بيتكوّن من قوس من الدرجة الأولى في البسط، وقوس من الدرجة الأولى في المقام. والقوسين دول مختلفين عن بعض. فيبقى ما فيش حاجة نقدر نبسّطها أكتر من كده في المقدار ده. ودي هتبقى أبسط صورة للمقدار المُعطى في السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.