فيديو: تحديد اسم مثلث طبقًا لوصفه

أيٌّ من التالي يصف الشكل الموضَّح؟ [أ] مثلث قائم الزاوية. [ب] مثلث منفرج الزاوية. [ج] مثلث متساوي الساقين. [د] مثلث متساوي الأضلاع. [ﻫ] مثلث مختلف الأضلاع.

٠١:١٥

‏نسخة الفيديو النصية

أي من التالي يصف الشكل الموضح؟ ومُعطى عندنا الاختيارات؛ أ: مثلث قائم الزاوية. ب: مثلث منفرج الزاوية. ج: مثلث متساوي الساقين. د: مثلث متساوي الأضلاع. هـ: مثلث مختلف الأضلاع.

ومُعطى عندنا المثلث اللي في الشكل، والمطلوب إننا نحدد أنهي من الاختيارات اللي عندنا اللي بتصف الشكل الموضَّح، أو اللي بتصف المثلث اللي عندنا. فمن الشكل هنلاحظ إن جميع أضلاع المثلث متساوية في الطول؛ لأن العلامة دي أو الشرطة دي معناها إن الأضلاع متساوية في الطول. فلمّا يكون المثلث جميع أضلاعه متساوية بيبقى اسمه مثلث متساوي الأضلاع.

وخلينا نفتكر إن في المثلث المتساوي الأضلاع، بتبقى جميع زواياه ليها القياس نفسه، وبيبقى قياس كل زاوية ستين درجة. فبما إن المثلث بتبقى جميع زاوياه زوايا حادَّة، فنقدر نقول إن المثلث بيبقى حاد الزاوية. لكن في الاختيارات اللي عندنا عندنا مثلث قائم الزاوية، ومنفرج الزاوية، لكن ما فيش حاد الزاوية. فبالتالي هيبقى الاختيار الصحيح هو الاختيار د: مثلث متساوي الأضلاع. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.