نسخة الفيديو النصية
أيّ خطّ يمثّل الدالة ص تساوي اتنين س زائد تلاتة، بيانيًّا؟
هنلاحظ إن معطى في السؤال أربع خطوط أ، ب، ج، د، موضَّحة في الرسم البياني. ومطلوب إني أعرف أيّ من الخطوط دي بيمثّل الدالة ص تساوي اتنين س زائد تلاتة. هنفكَّر إزاي. في البداية هنجيب نقطة التقاطع مع محور الصادات. يعني هنعوّض عن س تساوي صفر. لمّا نعوّض عن س تساوي صفر في الدالة، هنلاحظ إن ص هتساوي صفر زائد تلاتة. يعني ص هتساوي تلاتة. يعني أول نقطة تقاطع هي النقطة صفر وتلاتة. ودي بتقع على محور الصادات.
بعد كده هنجيب تقاطع الخطّ مع محور السينات. يعني هنعوّض بِـ ص تساوي صفر. يعني صفر هيساوي اتنين س زائد تلاتة. هنطرح تلاتة من الطرفين. يعني أقدر أقول: إنه سالب تلاتة هيساوي اتنين س. هقسم الطرفين على معامل الـ س، اللي هو اتنين. يعني أقدر أقول: إنه سالب تلاتة على اتنين هيساوي س. يعني س هتساوي سالب واحد ونصّ. وتاني نقطة هي سالب واحد، ونصّ، وصفر. ودي بتقع على محور السينات.
لمّا هندوَّر على النقطتين على الرسم البياني، هنلاحظ إنه النقطة الأولى أهي. والنقطة التانية، اللي بتقع على محور الصادات، موضَّحة أهي. إذن هاتان النقطتان على الخطّ ب.
