تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: خواص العمليات الجبرية

أحمد مدحت

في حل المعادلة ٤(ﺱ − ٣) = ٢٤، انظر إلى الخطوات: ٤(ﺱ − ٣) = ٢٤، ٤/١ (٤(ﺱ − ٣)) = ٤/١ (٢٤)، ﺱ − ٣ = ٦. استُخدمت حقيقة أن ٤/١ × ٤ = ١ في الانتقال من المعادلة الثانية إلى المعادلة الثالثة. ما خواص الأعداد الأخرى المُستخدمة في هذه الخطوة؟ [أ]خاصية الإبدال [ب] خاصية التوزيع [ج] خاصية المحايد الجمعي [د] خاصية الدمج [ﻫ] خاصية المعكوس

٠١:٤٠

‏نسخة الفيديو النصية

في حل المعادلة أربعة في، س ناقص تلاتة، يساوي أربعة وعشرين؛ انظر إلى الخطوات. الخطوة الأولى: أربعة في، س ناقص تلاتة، يساوي أربعة وعشرين. الخطوة التانية: ربع في، أربعة في، س ناقص تلاتة، يساوي ربع في أربعة وعشرين. الخطوة التالتة: س ناقص تلاتة يساوي ستة. استُخدمت حقيقة أن ربع في أربعة يساوي واحد، في الانتقال من المعادلة الثانية إلى المعادلة الثالثة. ما خواص الأعداد الأخرى المستخدمة في هذه الخطوة؟ وعندنا خمس اختيارات. الاختيار أ هو خاصية الإبدال. الاختيار ب هو خاصية التوزيع. الاختيار ج هو خاصية المحايد الجمعي. الاختيار د هو خاصية الدمج. الاختيار هـ هو خاصية المعكوس.

في المثال ده استخدمنا حقيقة إن ربع في أربعة يساوي واحد؛ علشان ننتقل من المعادلة التانية للمعادلة التالتة. لكن علشان نستخدم الحقيقة دي، ضربنا طرفَي المعادلة في ربع. ولمّا بنضرب عدد في الطرفين بتوع المعادلة، بنضربه في الطرف الأيمن كله، والطرف الأيسر كله. والمقدار اللي كان موجود في الطرف الأيمن، هو أربعة في القوس س ناقص تلاتة. أمّا الطرف الأيسر فهو أربعة وعشرين.

ولمّا ضربنا طرفَي المعادلة في ربع. فالطرف الأيمن بقى عبارة عن ربع في المقدار: أربعة في القوس س ناقص تلاتة. فعلشان كده جمّعنا أربعة في القوس س ناقص تلاتة بين قوسين، ودمجناهم مع بعض. ونفس الكلام بالنسبة للطرف الأيسر، فهنضرب ربع في أربعة وعشرين. معنى كده إن هتبقى الخاصية الأخرى المستخدمة هي خاصية الدمج. وبالتالي الإجابة هتبقى هي: الاختيار د.