نسخة الفيديو النصية
أوجد حجم الكرة لأقرب رقمين عشريين.
قانون حجم الكرة بيساوي أربعة على تلاتة 𝜋 ر تكعيب، حيث الـ ر هي نصف قطر الكرة.
هنا معطى قطر الكرة اللي هو تمنية متر، فعلشان نوجد الـ ر اللي هو نصف قطر الكرة يبقى هنقسم طول قطر الكرة على اتنين، يبقى تمنية على الاتنين هتساوي أربعة متر، ويبقى حجم الكرة المُعطاة هو أربعة على تلاتة في الـ 𝜋 مضروبة في الـ ر تكعيب؛ يعني مضروبة في الأربعة أس تلاتة، باستخدام الـ 𝜋 اللي موجودة في الآلة الحاسبة يبقى حجم الكرة هيساوي تقريبًا ميتين تمنية وستين وتمنية من مية متر مكعب، ويبقى هو ده قيمة حجم الكرة المطلوب بعد التقريب لأقرب رقمين عشريين.
