فيديو: إيجاد عدد بمعلومية مضاعفاته

٠، ٦، ١٢، ١٨ مضاعفات أيِّ عدد؟ [أ] ١٢ [ب] ١٨ [ج] ٠ [د]٦

٠١:٥٩

‏نسخة الفيديو النصية

صفر، وستة، واتناشر، وتمنتاشر، مضاعفات أيّ عدد؟ عندنا أربع اختيارات. أ: اتناشر. ب: تمنتاشر. ج: صفر. د: ستة.

دلوقتي معطى عندنا في السؤال مجموعة المضاعفات دي، وعايزين نعرف هي المضاعفات دي، مضاعفات أيّ عدد. طب إحنا عارفين إن مضاعفات العدد بتيجي من حاصل ضرب العدد ده، في الأعداد من أول صفر، وإلى ما لا نهاية. فأول مضاعف هيبقى مثلًا جاي من حاصل ضرب صفر في العدد. المضاعف اللي بعد كده هيبقى جاي من حاصل ضرب واحد في العدد. واللي بعده هيبقى جاي من حاصل ضرب اتنين في العدد. واللي بعده هيبقى جاي كحاصل ضرب تلاتة في العدد.

طبعًا إحنا عارفين إن صفر في أيّ عدد بصفر، فأول علاقة دي مش هتوصّلنا للعدد. طب العلاقة التانية؛ إن واحد في العدد هتبقى بتساوي ستة، دي معناها إن العدد اللي عندنا ستة؛ عشان واحد في ستة هيبقى بيساوي ستة. طب تعالوا نتأكد كده: حاصل ضرب اتنين في العدد، يعني اتنين في ستة، هيطلع فعلًا اتناشر. طب حاصل ضرب تلاتة في العدد، لو العدد ستة، هيبقى حاصل ضرب تلاتة في ستة، هيبقى فعلًا تمنتاشر. يبقى كده العدد المطلوب هو العدد ستة.

ممكن نحلّها بطريقة تانية؛ وهي إننا نحلل كل عدد من الأعداد اللي عندنا إلى عوامله الأولية، وبعدين نشوف إيه العامل المشترك الأكبر بين مجموعة العوامل. هنلاحظ إن اتنين وتلاتة دول عاملين متكررين في التلات أعداد. فيبقى العامل المشترك الأكبر هيبقى بيساوي حاصل ضرب اتنين في تلاتة، يعني هيبقى بيساوي ستة. يبقى العدد المطلوب هو ستة، كده أوجدناه بطريقة العامل المشترك الأكبر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.