فيديو السؤال: إيجاد الشكل التالي في النمط الهندسي الرياضيات

نسخة الفيديو النصية

ما الشكل التالي في النمط الموضّح؟

ومعطى عندنا النمط اللي قدّامنا ده. والمطلوب إننا نحدّد الشكل التالي في النمط اللي عندنا. فلمّا نيجي نشوف الأشكال اللي عندنا في النمط هنلاحظ إن أول شكل عندنا هو شكل مثلث. وأمّا الشكل اللي بعده في النمط فهنلاحظ إن هو شكل رباعي، وجميع أضلاعه متساوية. فبالتالي هيبقى الشكل ده مربع. وأمّا تالت شكل في النمط، اللي هو الشكل ده، فهنلاحظ إن هي دايرة. وبعد كده رجعنا تاني لشكل المثلث.

فبالتالي هيبقى أول أربع أشكال عندنا في النمط هم: مثلث، ومربع، ودائرة، ومثلث. فلو جينا نلاحظ أول أربع أشكال في النمط اللي عندنا هنلاحظ إن نفس الأربع أشكال دول اتكرّروا في الأربع أشكال اللي بعدهم. لأن برضو هنلاحظ إن عندنا بنفس الترتيب هيبقى هنا: مثلث، بعد كده مربع، بعد كده دائرة، بعد كده مثلث. فمعنى كده إن النمط عندنا أول أربع أشكال دول بيفضلوا يتكرّروا بعد كده.

فبنفس الطريقة لمّا نيجي نشوف الأربع أشكال اللي بعد دول اللي هم هنا. فعلشان نحدّد الشكل التالي في النمط، فهنلاحظ إن عندنا هنا مثلث، بعد كده مربع، بعد كده دائرة.

وبما إن النمط عندنا هو إن أول أربع أشكال بيتكرّروا زيّ ما هم. فبالتالي هيبقى هنا عندنا تلات أشكال اللي هم: مثلث، ومربع، ودائرة. فبالتالي علشان نفضل ماشيين على نفس النمط، يبقى اللي هنحطّه هنا هو شكل مثلث. لأن لو حطّينا الشكل المثلث ده هنا، هيبقى عندنا الأربع أشكال اللي هنا زيّ الأربعة اللي هنا زيّ الأربعة اللي هنا. وبكده يبقى إحنا ماشيين على نفس النمط.

وبالتالي هتبقى إجابة السؤال: «ما الشكل التالي في النمط الموضّح؟» هي: مثلث. وهتبقى هي دي إجابة السؤال.