فيديو: خطوط التماثل في الهندسة المستوية

هل للشكل التالي خط تماثُل؟

٠١:٣٦

‏نسخة الفيديو النصية

هل للشكل التالي خط تماثُل؟

قبل ما نجاوب، لازم نعرف إيه هو خط التماثل، ومعناه إيه. هنعرف إن خط التماثل هو الخط اللي بيقسّم الشكل لجزئين متساويين تمامًا، وبيكونوا منطبقين على بعض تمامًا؛ ومنطبقين يعني الجزئين المتقسّمين دول هم صورة طِبق الأصل من بعض بالظبط.

الشكل اللي قدامنا ده اسمه شكل سُداسي لأن له ست رءوس، ولكن غير منتظم لأن أضلاعه غير متساوية. فيا ترى الشكل ده أقدر أرسم له خط تماثُل ولّا لأة؟

لو جرّبنا نرسم خط زي الخط الأخضر اللي رسمناه ده، هنشوف هو خط تماثُل ولّا لأة، هنشوف الجزئين اللي اتقسّم ليهم الشكل ده، يا ترى هم متساويين ومنطبقين على بعض ولّا لأة؟ هنلاقي إن هم بالفعل متساويين ومنطبقين؛ فأقدر أسمّي الخط اللي رسمته ده خط تماثُل.

عندي كمان الضلع اللي فوق ده، والضلع اللي تحت ده، هم متساويين بالظبط. فلو جرّبت أرسم خط من نُص الضلعين دول وأوصّلهم ببعض، هلاقي إن هو برضو بيقسّم الشكل بتاعنا لجزئين متساويين ومنطبقين على بعض تمامًا.

وبكده عرفنا نرسم للشكل ده كذا خط تماثل، واللي هو قسّم الشكل لجزئين متساويين ومنطبقين تمامًا؛ وبالتالي إجابة السؤال «هل للشكل التالي خط تماثُل؟» هتكون هي: نعم له خط تماثُل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.