تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: حساب التباديل لإيجاد قيم مجهولة

أحمد لطفي

إذا كان العامل الأوسط للمفكوك ل(^ن)(_٢٣) هو ٦٩، فأوجد قيمة ن.

٠٣:١٠

‏نسخة الفيديو النصية

إذا كان العامل الأوسط للمفكوك ن ل تلاتة وعشرين، هو تسعة وستين، فأوجد قيمة ن.

في البداية لو عندنا ن ل ر، فـ ن ل ر بتساوي ن مضروبة في، ن ناقص واحد، مضروبة في، ن ناقص اتنين، مضروبة في نقط، مضروبة في، ن ناقص ر زائد واحد. حيث ن أكبر من أو بتساوي ر. وَ ن بتنتمي إلى مجموعة الأعداد الصحيحة الموجبة، وَ ر بتنتمي إلى مجموعة الأعداد الصحيحة الموجبة.

وبما إن معطى إن العامل الأوسط للمفكوك ن ل تلاتة وعشرين هو تسعة وستين. فممكن نعتبر ن مضروبة في، ن ناقص واحد، مضروبة في، ن ناقص اتنين؛ عبارة عن متتابعة حسابية. الحد الأول ن، والحد التاني ن ناقص واحد، والحد التالت ن ناقص اتنين، والحد الأخير ن ناقص ر زائد واحد. وهيبقى عندنا أساس المتتابعة الحسابية، اللي هو بنرمز له بالرمز د، هيكون سالب واحد. عشان الحد الأول لو نقّصنا منه واحد هيساوي الحد تاني. والحد التاني لو نقّصنا منه واحد هيساوي الحد التالت. وهكذا …

وبالتالي بالنسبة لـ ن ل تلاتة وعشرين، فممكن نمثّلها من خلال متتابعة حسابية. وهتكون ن، وَ ن ناقص واحد، وَ ن ناقص اتنين، ونقط، لحدّ ن ناقص ر اللي هي تلاتة وعشرين، زائد واحد. يعني المتتابعة الحسابية هتكون ن، وَ ن ناقص واحد، وَ ن ناقص اتنين، والنقط، وَ ن ناقص اتنين وعشرين.

وهنلاحظ إن عدد حدود المتتابعة الحسابية لازم يكون بيساوي تلاتة وعشرين. وبالتالي عشان نقدر نوجد العامل الأوسط، فهنقول إن رقم الحد اللي بيمثل العامل الأوسط، هنقول … هنقسم تلاتة وعشرين على اتنين، فهيساوي حداشر وخمسة من عشرة. وبالتالي الحد اللي بيمثل العدد الأوسط هيكون هو اتناشر.

ويبقى بالنسبة للمتتابعة الحسابية لو عايزين نوجد الحد رقم اتناشر، اللي هو أ اتناشر. أ اتناشر هيساوي الحد الأول اللي هو أ واحد، زائد حداشر مضروبة في أساس المتتابعة، اللي هو د. وبما إن معطى إن العامل الأوسط للمفكوك هو تسعة وستين، فهيبقى هنعوّض عن أ اتناشر بتسعة وستين. فهيكون عندنا تسعة وستين بيساوي الحد الأول في المتتابعة هو ن، زائد حداشر مضروبة في أساس المتتابعة هو سالب واحد.

يعني هيكون عندنا تسعة وستين هيساوي ن … حداشر في سالب واحد هيساوي سالب حداشر. فهيكون عندنا تسعة وستين بتساوي ن ناقص حداشر. عشان نوجد قيمة ن، هنجمع حداشر عَ الطرفين. فهيكون عندنا تمانين بتساوي ن. ويبقى كده قدرنا نوجد قيمة ن، وكانت بتساوي تمانين.