فيديو: خواص المكعب

إذا كانت أبعاد متوازي المستطيلات كلها متساوية، فإنه يكون _.

٠١:٤٢

‏نسخة الفيديو النصية

إذا كانت أبعاد متوازي المستطيلات كلها متساوية، فإنه يكون نقط.

السؤال بيقول لنا لو إحنا عندنا متوازي المستطيلات، وخلّينا أبعاده كلها متساوية؛ الشكل ده هيكون عبارة عن إيه؟

فتعالوا نرسم متوازي المستطيلات في صورته العادية بالشكل ده. كل وجه من أوجه متوازي المستطيلات على شكل مستطيل. وطول المستطيل مش بيساوي عرضه، ولا بالضرورة الطول والعرض يساووا ارتفاع متوازي المستطيلات. ده بالنسبة لمتوازي المستطيلات.

طيّب لو خدنا متوازي المستطيلات ده، وساوينا أبعاده؛ أبعاده اللي هي: الطول، والعرض، والارتفاع. خلّيناهم كلهم بيساووا بعض بالظبط؛ يعني الطول قدّ العرض قدّ الارتفاع. فده معناه إن الأوجُه اللي عندنا هتكون على شكل مربع بدل ما هي على شكل مستطيل. والمجسّم اللي كل أوجهه على شكل مربعات بنسمّيه: «مكعب».

يبقى من هنا نقدر نكمّل السؤال بتاعنا ونقول: «إذا كانت أبعاد متوازي المستطيلات كلها متساوية، فإنه يكون مكعبًا». وهي دي الإجابة الصح؛ لأننا حوّلنا شكل الوجه بدل ما كان مستطيل خلّيناه مربع. فبالتالي متوازي المستطيلات اتحوّل لمكعب، وهي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.