فيديو: تصنيف الأشكال الرباعية بِناءً على الخواص المُعطاة

في أيّ شكلين رباعيين تتساوى أطوال جميع الأضلاع؟

٠١:٣٩

‏نسخة الفيديو النصية

في أيّ شكلين رباعيين تتساوى أطوال جميع الأضلاع؟

دلوقتي قدامنا مجموعة من الأشكال الرباعية. والشكل الرباعي عمومًا بيتكوّن من أربع أضلاع؛ عشان كده بنسمّيه شكل رباعي. أول شكل عندنا اسمه المربع. المربع، شروط إن الشكل الرباعي يبقى مربع، لازم تبقى أضلاعه الأربعة متساوية في الطول، ولازم كمان تبقى زواياه الداخلية قياسها تسعين درجة؛ يعني الأربع زوايا بتوعه قوائم. يبقى الشكل الأول، اللي هو المربع، حقّق لنا المطلوب في السؤال، اللي هو تَساوي جميع أطوال أضلاعه.

أمّا الشكل التاني اللي هو شبه المنحرف، فما فيهوش أيّ شروط تقيّد أطوال أضلاعه؛ فبالتالي ما بيحقّقش المطلوب في السؤال.

أمّا الشكل التالت، اللي هو المستطيل، فكل الشروط اللي نعرفها عن أطوال أضلاع المستطيل، إن كل ضلعين متقابلين، بيبقوا متساويين في الطول. وده برضو مش بيحقّق المطلوب في السؤال.

أمّا آخر شكل عندنا اللي هو المعيّن، هو حالة خاصة من حالات متوازي الأضلاع، بيبقى فيه الأربع أضلاع أطوالهم متساوية، وفَرقه الوحيد عن المربع إن زواياه الداخلية ما بتبقاش زوايا قائمة. يبقى هو كمان الشكل ده، اللي هو المعيّن، بيحقّق الشرط المطلوب مننا في السؤال. يعني هو شكل رباعي أطوال أضلاعه متساوية.

يعني الإجابة هتبقى المربع والمعيّن، هم دول الشكلين الرباعيين اللي بتتساوى فيه أطوال جميع الأضلاع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.