فيديو: خواص المربع

في أي شكل رباعي يكون القطران متعامدين وطولهما متساويًا؟

٠١:٣٥

‏نسخة الفيديو النصية

في أي شكل رباعي يكون القطران متعامدين وطولهما متساويًا؟ لو ابتدينا مثلًا بالشكل الرباعي اللي هو المربع، المربع من خواصه إن الأربع أضلاع متساوية وزواياه جميعها قوائم، ولو وصَّلنا القطرين بتوعه هنلاقي إن الأقطار بتاعته متساوية بينصفب بعضها البعض، وكمان بتبقى متعامدة. يبقى المربع اتحقق فيه إنالأقطار بتاعته متعامدة وأطوالها متساوية.

المستطيل هو شكل رباعي بيبقى فيه كل ضلعين متقابلين متساويان وزواياه جميعها قوائم، و لو وصلنا الأقطار بتاعته هنلاقي إن الأقطار متساوية في الطول، بس الأقطار بتاعته مش متعامدة، يبقى المستطيل مش بيتحقق فيه شرط إن القطرين يبقوا متعامدين ومتساويين.

ولو بصينا على المعين هنلاقي إن هو الأربع أضلاع بتوعه متساويين، زي ما باين من علامات التساوي الموجودة على الأضلاع بتاعته و لو شُفنا الأقطار بتاعته هنلاقي إن الأقطار أطوالهم مش متساوي بس متعامدين. يبقى كده المعين الأقطار حققت شرط التعامد بس محققتش التساوي، يبقى المعين ما بيحققش الشرطين المطلوبين.

يبقى الشكل الوحيد اللي اتحقق فيه شرط إن القطرين يبقوا متعامدين ومتساويين هو المربع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.