فيديو: تفسير حاصل ضرب الأعداد الصحيحة

اختر الصورة التي يكون إجمالي عدد النقاط فيها يساوي ٨ × ٣. [أ] شكل ١ [ب] شكل ٢ [ج] شكل ٣ [د] شكل ٤

٠٢:٣١

‏نسخة الفيديو النصية

اختر الصورة التي يكون إجمالي عدد النقاط فيها يساوي تمنية في تلاتة.

عاوزين نعرف أي صورة من الصور اللي قدامنا دول اللي بتمثّل عن النقط اللي عددها تمنية في تلاتة. طيب خلونا نفهم الأول يعني إيه تمنية في تلاتة. تمنية في تلاتة يعني تمن مجموعات، كل مجموعة فيها تلات دواير؛ يعني التمنية دي عدد المجموعات، والتلاتة دي عدد الدوائر في كل مجموعة، تمام كده؟ تعالوا بقى كده نشوف أول اختيار، عندنا هنا إيه؟ كل مجموعة فيها تلات دواير أهو، تمام يبقى كده كل مجموعة فيها تلاتة يبقى عدد التلاتة صح، طب هم أصلًا كام مجموعة؟ تعالوا نعدهم؛ واحد، اتنين، تلاتة، أربعة، خمسة، ستة، سبعة؛ لأ مش تمنية، يعني دي كده معناها سبعة في تلاتة مش تمنية في تلاتة؛ يبقى الاختيار ده مش صح.

طيب نشوف الاختيار اللي بعده، برضو هنا كل مجموعة فيها تلاتة، طب هم كام مجموعة؟ واحد، اتنين، تلاتة، أربعة، خمسة، ستة، سبعة، تمنية، تسعة؛ فده معناه إن هو تسعة في تلاتة، وإحنا عاوزين تمنية في تلاتة؛ يبقى برضو الاختيار ده مش صح.

تعالوا نشوف الاختيار التالت، دي مجموعة فيها تلاتة، ودي مجموعة فيها تمنية؛ يعني مش صح، لو قلنا معنى تمنية في تلاتة تمن مجاميع كل مجموعة فيها تلات دواير، لكن دول مجموعتين؛ آدي مجموعة وآدي مجموعة، مجموعة فيها تلاتة، ومجموعة فيها تمنية، مش هي دي الإجابة الصح؛ لأن لازم المجموعات يكون فيها نفس عدد الدواير.

طيب نيجي لآخر اختيار اللي هو الاختيار الرابع ده، عندنا كل المجموعات فيها تلات دواير؟ صح كلهم فيهم تلات دواير، طيب هما بقى كام مجموعة؟، واحد، اتنين، تلاتة، أربعة، خمسة، ستة، سبعة، تمنية؛ آه دول تمن مجموعات كل مجموعة فيها تلات دواير، يبقى هي دي الإجابة الصح، وهو ده الاختيار اللي إحنا اللي المفروض نختاره، تمن مجموعات كل مجموعة فيها تلات دواير.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.