فيديو: كتابة النسبة المئوية في صورة عدد عشري

رتِّب ما يلي ترتيبًا تصاعديًّا: ٣١٫٤٣٪، ٣٫١٤٣، ٠٫٠٣١٤٣، ٣٥٫٤٣٪.

٠٣:٠٥

‏نسخة الفيديو النصية

رتب ما يلي ترتيبًا تصاعديًّا: واحد وتلاتين وتلاتة وأربعين من مية في المية، تلاتة ومية وتلاتة وأربعين من ألف، تلات آلاف ومية وتلاتة وأربعين من مية ألف، خمسة وتلاتين وتلاتة وأربعين من مية في المية.

عشان نقدر نرتب الأعداد تصاعديًّا، محتاجين أول حاجة نوحّد صورتهم، فهنكتب الأعداد كلها على الصورة العشرية؛ ده معناه إننا محتاجين نحوّل النسبتين المئويتين إلى أعداد عشرية. فالنسبة المئوية الأولى واحد وتلاتين وتلاتة وأربعين من مية في المية بتساوي واحد وتلاتين وتلاتة وأربعين من مية على مية. فبما إننا هنقسم على مية اللي عدد أصفارها صفرين، فبالتالي هنحرّك العلامة العشرية باتجاه اليسار حركتين، يبقى ده هيساوي تلات آلاف ومية وتلاتة وأربعين من عشرة آلاف.

النسبة المئوية التانية خمسة وتلاتين وتلاتة وأربعين من مية في المية هتساوي خمسة وتلاتين وتلاتة وأربعين من مية على مية. وبرضو لأننا هنقسم على مية، هنحرّك العلامة العشرية حركتين باتجاه اليسار، فده هيساوي تلات آلاف وخمسمية وتلاتة وأربعين من عشرة آلاف.

نكتب الأعداد كلها ونقارنها من القيمة المكانية الأكبر للقيمة المكانية الأقل. أول حاجة هنقارن الآحاد، فهنلاقي إن العدد تلاتة ومية وتلاتة وأربعين من ألف هو أكبر عدد؛ لأنه العدد الوحيد اللي الآحاد فيه بتساوي تلاتة، وباقي الأعداد الآحاد فيها بتساوي صفر؛ يبقى ده أكبر عدد، وترتيبه هو أربعة.

بعد كده هنقارن القيمة المكانية الأقل اللي هى الأجزاء من عشرة، هنلاقي إن فيه عددين الأجزاء من عشرة فيها بتساوي تلاتة، والعدد التالت القيمة المكانية للأجزاء من عشرة بتساوي صفر، وبالتالي فهو أقل عدد؛ يبقى العدد ده ترتيبه الأول.

بعد كده نقارن الأجزاء من مية في العددين الباقيين؛ ففي العدد الأول بتساوي واحد، وفي العدد التاني بتساوي خمسة، والخمسة أكبر من الواحد؛ يبقى العدد تلات آلاف ومية وتلاتة وأربعين من عشرة آلاف هيبقى ترتيبه التاني، والعدد تلات آلاف وخمسمية وتلاتة وأربعين من عشرة آلاف هيبقى ترتيبه التالت.

نرجّع النسبتين المئويتين لصورتهم الأصلية، ونكتب الأعداد بعد ترتيبها تصاعديًّا؛ يبقى ترتيب الأعداد تصاعديًّا هو: تلات آلاف ومية وتلاتة وأربعين من مية ألف، واحد وتلاتين وتلاتة وأربعين من مية في المية، خمسة وتلاتين وتلاتة وأربعين من مية في المية، تلاتة ومية وتلاتة وأربعين من ألف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.