فيديو: جمع عددين صحيحين

٢٨٩٧ + ٥٤٩٧ = _.

٠١:٥٥

‏نسخة الفيديو النصية

ألفين وتمنمية سبعة وتسعين، زائد خمسة آلاف وربعمية سبعة وتسعين، يا ترى بيساوي كام؟

عندنا عددين وعايزين نجيب حاصل جمعهم. فأول حاجة هنعملها إننا هنحدّد خانات أرقام العدد الأول، وهنحدد خانات أرقام العدد التاني. كتبنا أرقام العدد الأول بالشكل ده، فكانت السبعة في خانة الآحاد، والتسعة في خانة العشرات، وتمنية في المئات، واتنين في الألوف. ودلوقتي هنكتب تحته العدد التاني؛ علشان نقدر نجمع بسهوله أرقام كل خانة مع بعضها.

هنجمع أرقام خانة الآحاد مع بعضها. سبعة زائد سبعة بيساوي أربعتاشر. وأربعتاشر عدد مكون من رقمين، فهنكتب الرقم الأول تحت خانة الآحاد، أما الرقم التاني فهنضيفه لأرقام خانة العشرات.

ونبدأ دلوقتي نجمع أرقام خانة العشرات مع بعضها، واللي هي واحد زائد تسعة زائد تسعة. واحد زائد تسعة بيساوي عشرة، زائد تسعة بيساوي تسعتاشر. وتسعتاشر عدد مكوّن من رقمين، فهنكتب برضو الرقم الأول تحت خانة العشرات، أما الرقم التاني فهنضيفه للخانة اللي بعدها.

وبكده هتكون أرقام خانة المئات همّ واحد زائد تمنية زائد أربعة. واحد زائد تمنية بيساوي تسعة، وتسعة زائد أربعة بيساوي تلتاشر. بنفس الطريقة هنكتب الرقم الأول تحت خانة المئات، واللي هو تلاتة، وهنضيف الرقم التاني اللي هو واحد للخانة اللي بعدها.

وبكده هتكون أرقام خانة الألوف هي واحد زائد اتنين زائد خمسة. واحد زائد اتنين بيساوي تلاتة، زائد خمسة بيساوي تمنية.

وبكده هيكون حاصل جمع العددين اللي عندنا دول هو العدد تمانتلاف وتلتمية أربعة وتسعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.