فيديو: ربط النسب المئوية والكسور

عبِّر عن الجزء المظلَّل من الشكل في صورة نسبة مئوية.

٠٢:٣٣

‏نسخة الفيديو النصية

عبِّر عن الجزء المظلل من الشكل في صورة نسبة مئوية.

ومعطى عندنا الشكل ده، فهنلاحظ إن الشكل ده متقسِّم إلى عشر أجزاء، وعندنا جزئين من العشرة مظللين؛ ففي الأول هنعبّر عن الجزء المظلل من الشكل وهنكتبه في صورة كسر، فهنشوف عدد الأجزاء المظلَّلة فهنلاقي إن عندنا جزئين، فهيبقى عندنا اتنين على عشرة اللي هو عدد جميع الأجزاء؛ وبالتالي الجزء المظلَّل من الشكل نقدر نكتبه في صورة كسر، وهيبقى اتنين على عشرة، لكن المطلوب عندنا في السؤال إننا نعبّر عن الجزء المظلل في صورة نسبة مئوية، وخلينا نفتكر إننا لو عايزين نكتب نسبة مئوية لكسر زي اتنين على عشرة، فإحنا بنوجِد كسور متكافئة للكسر ده، ويكون مقامها مية، علشان الكسر اللي هنكتبه بالشكل ده هيبقى هو النسبة المئوية، عشان العدد اللي هنكتبه هنا في البسط هيبقى هو النسبة المئوية؛ لأن النسبة المئوية هي عبارة عن عدد مقسوم على مية، يعني بيمثل كام جزء من مية، فمعنى كده إننا عايزين نوجد كسر مكافئ لاتنين عَ العشرة ويكون مقامه مية، فعشرة هنا علشان نحوِّلها مية ضربناها في عشرة؛ فبالتالي هنضرب البسط والمقام في العدد نفسه علشان يبقى الكسر ليه نفس القيمة، فمعنى كده إننا نضرب اتنين اللي في البسط في عشرة، فلمّا نضرب اتنين في عشرة هتساوي عشرين؛ فكده إحنا حوِّلنا الكسر اتنين عَ العشرة إلى كسر مقامه مية، فالكسر عشرين على مية يعني عشرين جزء من مية، فبالتالي نقدر نكتبه في صورة نسبة مئوية، فنقدر نكتب عشرين على مية في صورة نسبة مئوية اللي هي هتبقى عشرين من مية بالشكل ده.

وبالتالي هيبقى عبرنا عن الجزء المظلَّل من الشكل في صورة نسبة مئوية، واللي هي عشرين في المية، فمعنى كده إن الجزء المظلَّل بيمثِّل عشرين في المية من الشكل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.