فيديو: ضرب الأعداد الصحيحة

أوجد حاصل ضرب −٢ و١٢.

٠٠:٥٧

‏نسخة الفيديو النصية

أوجد حاصل ضرب سالب اتنين واتناشر.

يعني إحنا دلوقتي محتاجين نوجد حاصل ضرب سالب اتنين في اتناشر. ناخد بالنا أهمّ حاجة من الإشارات بتاعة الأعداد اللي بنضربها في بعض.

يعني دلوقتي إحنا بنضرب عدد سالب، وما فيش إشارة قبل الاتناشر، يعني ضمنيًّا بنفهم إنها موجبة. يعني دلوقتي بنضرب عدد سالب في عدد موجب. يبقى حاصل الضرب اللي هنحصل عليه هيبقى كمّيّة سالبة. يبقى هنحطّ إشارة السالب قبل حاصل الضرب اللي هنوجده دلوقتي.

دلوقتي عايزين نوجد حاصل ضرب اتناشر في اتنين. هنبدأ نُجري عملية الضرب. اتنين في اتنين هيساوي أربعة. بعدين نضرب اتنين في واحد هيساوي اتنين. يعني حاصل الضرب ده أربعة وعشرين.

يبقى كده عرفنا إن حاصل ضرب سالب اتنين في اتناشر هيساوي سالب أربعة وعشرين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.