فيديو: إيجاد ارتفاع شبه المنحرف بمعلومية مساحته وأطوال أضلاعه المتوازية

شبه منحرف مساحته ١٠٢، وطول ضلعيه المتوازيين ١٥، ١٠. ما ارتفاعه؟

٠٢:٠١

‏نسخة الفيديو النصية

شبه منحرف مساحته مية واتنين، وطول ضلعيه المتوازيين خمستاشر وعشرة. ما ارتفاعه؟

يعني لو عندنا مثلًا شبه منحرف بالشكل ده. ومُعطى عندنا إن طول ضلعيه المتوازيين خمستاشر وعشرة. ومُعطى أيضًا إن مساحة شبه المنحرف هي مية واتنين. والمطلوب أننا نوجد ارتفاع شبه المنحرف، ونقدر نرمز له بالرمز ع.

فعشان نوجد ارتفاع شبه المنحرف، خلينا في الأول نفتكر إن مساحة شبه المنحرف بتساوي نُص مجموع طولي قاعدتيه المتوازيتين في الارتفاع. يعني هتبقى بتساوي نُص في مجموع طولي القاعدتين المتوازيتين، واللي همّ عندنا عشرة وخمستاشر، فيبقى مجموعهم عشرة زائد خمستاشر، في الارتفاع واللي إحنا عايزين نوجده فهنرمز له بالرمز ع.

بما إن معطى عندنا إن مساحة شبه المنحرف هي مية واتنين، فهنعوّض عن المساحة بمية واتنين. فيبقى مية واتنين بيساوي نص في … وهنجمع عشرة زائد خمستاشر واللي هتساوي خمسة وعشرين، في الارتفاع ع. بعد كده هنحسب نُص في خمسة وعشرين، واللي هتساوي اتناشر وخمسة من عشرة. فهتبقى المعادلة هي مية واتنين يساوي اتناشر وخمسة من عشرة في الارتفاع ع.

بعد كده عشان نوجد قيمة ع، يبقى هنقسم الطرفين على اتناشر وخمسة من عشرة. فهيبقى الطرف الأيمن للمعادلة مية واتنين على اتناشر وخمسة من عشرة، فلمّا هنحسبها هتبقى بتساوي تمنية وستاشر من مية. وأما الطرف الأيسر للمعادلة فيبقى اتناشر وخمسة من عشرة في ع على اتناشر وخمسة من عشرة. ونقدر نختصر اتناشر وخمسة من عشرة مع اتناشر وخمسة من عشرة، فيتبقي ع.

وبالتالي هتبقى قيمة ع هي تمنية وستاشر من مية. وبالتالي هيبقى ارتفاع شبه المنحرف تمنية وستاشر من مية وحدة طول. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.