فيديو: إيجاد القيمة النهائية لكميةٍ ما مُعطاة بمعلومية قيمتها الابتدائية ومُعدَّل تغيُّرها الثابت

‏نسخة الفيديو النصية

إذا كان معدل استهلاك الوقود لصاروخ كتلته ستة وعشرين طنًّا ثابتًا، ويساوي تمانين كيلوجرام لكل ثانية، فاوجد كتلة الصاروخ بعد خمسة وعشرين ثانية من الإقلاع.

في البداية، بما إن معدل استهلاك الوقود للصاروخ بيكون ثابت وبيساوي تمانين كيلوجرام لكل ثانية، فعايزين نشوف الصاروخ هيكون استهلك قد إيه وقود بعد خمسة وعشرين ثانية. فعندنا إن الصاروخ بيستهلك تمنية كيلوجرام لكل ثانية، فعشان نوجد الصاروخ هيستهلك قد إيه لخمسة وعشرين ثانية، فهيكون عندنا … هنضرب خمسة وعشرين في تمانين، يعني هيساوي ألفين. ويبقى عندنا بعد خمسة وعشرين ثانية من الإقلاع، الصاروخ هيكون استهلك ألفين كيلوجرام. وبما إن معطى كتلة الصاروخ بالطن، فهنبقي محتاجين نحول من كيلوجرام إلى طن. وبما إن ألف كيلوجرام هيساوي واحد طن، يبقى لو عندنا ألفين كيلوجرام هتساوي اتنين طن؛ وبالتالي هنلاحظ إن الصاروخ استهلك اتنين طن من الوقود.

يبقى لو كانت كتلة الصاروخ ستة وعشرين طن، وهيستهلك اتنين طن، فيبقى نقدر نقول إن كتلة الصاروخ بعد خمسة وعشرين ثانية من الإقلاع هتكون ستة وعشرين ناقص اتنين طن، يعني هيساوي أربعة وعشرين طن.

يبقى كده قدرنا نوجد كتلة الصاروخ بعد خمسة وعشرين ثانية من الإقلاع، وكانت بتساوي أربعة وعشرين طن.