فيديو: استخدام القسمة لإيجاد ارتفاع مثلث بمعلومية مساحته وطول قاعدته في صورة مقدار جبري

مثلث مساحته تساوي (١٢س^٢ + ٣٨س + ٢٨) سم^٢، وقاعدته تساوي (٢س + ٤) سم. اكتب صيغة تعبّر عن ارتفاعه.

٠٢:٤٣

‏نسخة الفيديو النصية

مثلث مساحته تساوي اتناشر س تربيع زائد تمنية وتلاتين س زائد تمنية وعشرين سنتيمتر مربع. وقاعدته تساوي اتنين س زائد أربعة سنتيمتر. اكتب صيغة تعبّر عن ارتفاعه.

بالنسبة لمساحة المثلث، فهي تساوي نص في طول القاعدة في الارتفاع. وفي المثال اللي عندنا، المثلث مساحته اتناشر س تربيع زائد تمنية وتلاتين س زائد تمنية وعشرين سنتيمتر مربع. وقاعدته تساوي اتنين س زائد أربعة سنتيمتر. فلمّا هنعوّض عن مساحة المثلث، وطول القاعدة في العلاقة اللي عندنا. هيبقى اتناشر س تربيع زائد تمنية وتلاتين س زائد تمنية وعشرين؛ يساوي نص في، اتنين س زائد أربعة، في الارتفاع.

ولمّا هنضرب نص في اتنين س زائد أربعة. اتناشر س تربيع زائد تمنية وتلاتين س زائد تمنية وعشرين؛ يساوي س زائد اتنين، في الارتفاع. وعلشان نخلّي الارتفاع في طرف لوحده من الطرفين بتوع المعادلة، هنقسم طرفَي المعادلة على القوس: س زائد اتنين. بكده الارتفاع يساوي اتناشر س تربيع زائد تمنية وتلاتين س زائد تمنية وعشرين، على س زائد اتنين.

بعد كده في البسط، هنلاحظ إن إحنا نقدر نخرّج اتنين كعامل مشترك. فلمّا هنخرّج اتنين كعامل مشترك، من المقدار: اتناشر س تربيع زائد تمنية وتلاتين س زائد تمنية وعشرين. هيبقى الارتفاع يساوي اتنين في القوس: ستة س تربيع زائد تسعتاشر س زائد أربعتاشر، على س زائد اتنين. بعد كده هنحلّل المقدار الثلاثي، اللي بين القوسين. وهو: ستة س تربيع زائد تسعتاشر س زائد أربعتاشر. ولمّا هنحلله هيبقى عبارة عن ستة س زائد سبعة، في س زائد اتنين. ومعنى كده إن الارتفاع يساوي اتنين في، ستة س زائد سبعة، في س زائد اتنين؛ على س زائد اتنين.

بعد كده هنلاحظ إن إحنا نقدر نختصر القوس س زائد اتنين اللي في البسط. مع القوس س زائد اتنين اللي في المقام. فلمّا هنختصرهم مع بعض، هنلاقي إن الارتفاع يساوي اتنين في، ستة س زائد سبعة. ولمّا هنضرب اتنين في القوس ستة س زائد سبعة، هيبقى الارتفاع يساوي اتناشر س زائد أربعتاشر سنتيمتر. بكده هتبقى الصيغة اللي بتعبّر عن ارتفاع المثلث، هي اتناشر س زائد أربعتاشر سنتيمتر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.