فيديو: المقارنة بين الكميات التي تتضمَّن كسورًا ذات مقامات غير متشابهة

أكمل ٤/١ _ ٢/١ باستخدام< أو >.

٠١:١٧

‏نسخة الفيديو النصية

أكمل: ربع نقط نُصّ. باستخدام؛ أصغر من، أو أكبر من.

دلوقتي إحنا بنقارن كسرين المقامات بتاعتهم مختلفة. عشان نقدر نقارنهم صح، لازم يبقى لهم نفس المقام. أول خطوة بنشوف المقام الأكبر، اللي هو هنا أربعة. ونشوف هو ينفع يبقى مقام موحّد للكسرين ولّا لأ. هنلاقي إن الأربعة من مضاعفات الاتنين، بالتالي نقدر نخلّي الأربعة مقام موحّد للكسرين.

فيبقى كده الكسر الأول هيفضل ربع زيّ ما هو. أمّا الكسر التاني، فعايزين المقام بتاعه يبقى أربعة. معناها إننا عملنا عملية ضرب للمقام، اللي هو اتنين، في اتنين. بالتالي لازم نضرب البسط في نفس العدد؛ عشان ما يتغيّرش قيمة الكسر. فيبقى عندنا كده الكسر المكافئ الجديد، هيبقى اتنين على أربعة.

دلوقتي سهل إن إحنا نقارن بين الكسرين؛ لأن ليهم نفس المقام. وبالتالي لمّا بنيجي نقارن، فبنقارن بسط الكسر الأول ببسط الكسر التاني. طبعًا اتنين أكبر من واحد، فده معناها إن الكسر التاني هو اللي أكبر. يعني هنستخدم علامة أصغر من؛ لأن واحد على أربعة هيبقى أصغر من اتنين على أربعة. وتبقى العلامة الصحيحة اللي هنستخدمها للمقارنة، هي علامة: أصغر من.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.