فيديو: العامل المشترك الأكبر

ما العدد الذي لا يشترك مع الأعداد الثلاثة الأخرى في العامل المشترك الأكبر؟ [أ] ١١٠ [ب] ٨١ [ج] ٥٤ [د] ٩٩

٠٢:٥٧

‏نسخة الفيديو النصية

ما العدد الذي لا يشترك مع الأعداد الثلاثة الأخرى في العامل المشترك الأكبر؟ الاختيار الأول: مية وعشرة. الاختيار التاني: واحد وتمانين. الاختيار التالت: أربعة وخمسين. الاختيار الرابع: تسعة وتسعين.

هنبدأ نحلل أول عدد عندنا اللي هو مية وعشرة لعوامله الأوّلية. مية وعشرة عدد زوجي يقبل القسمة على اتنين. لمّا نقسمه على اتنين هيبقى ناتج القسمة خمسة وخمسين، خمسة وخمسين عدد يقبل القسمة على خمسة، هيبقى ناتج القسمة حداشر. وبعدين حداشر عدد ما يقبلش القسمة غير على نفسه وعَ الواحد؛ هو عدد أولي، يبقى هنقسمه على حداشر، وناتج القسمة هيبقى واحد. كده خلّصنا تحليل أول عدد فيهم.

هنيجي نحلل العدد اللي بعده؛ واحد وتمانين مش عدد زوجي يعني ما يقبلش القسمة على اتنين، بس مجموع الأرقام اللي بيتكوّن منها، اللي هو هيبقى تسعة، بيقبل القسمة على تلاتة؛ يبقى واحد وتمانين يقبل القسمة على تلاتة. لمّا نيجي نقسمه على تلاتة، هيبقى بيساوي سبعة وعشرين. سبعة وعشرين عدد يقبل القسمة على تلاتة، لمّا نقسم سبعة وعشرين على تلاتة، ناتج القسمة هيبقى تسعة. تسعة عدد يقبل القسمة على التلاتة، تسعة على تلاتة ناتج القسمة هيبقى تلاتة. وبعدين التلاتة نقسم كمان مرة على التلاتة، ناتج القسمة هيبقى واحد. كده خلّصنا تحليل العدد واحد وتمانين لعوامله الأولية.

نحلل العدد اللي بعد كده، اللي هو أربعة وخمسين. أربعة وخمسين عدد زوجي يبقى نقدر نقسمه على اتنين. أربعة وخمسين على اتنين، ناتج القسمة هيبقى سبعة وعشرين. وبعدين نحلل سبعة وعشرين، هنلاقي إن سبعة وعشرين يقبل القسمة على تلاتة؛ ناتج القسمة هيبقى تسعة. تسعة تقبل تاني القسمة على تلاتة، وناتج القسمة هيبقى تلاتة. وبعدين نقسم مرة كمان على تلاتة، وناتج القسمة هيبقى واحد. كده خلّصنا تحليل العدد أربعة وخمسين لعوامله الأولية.

نبدأ نحلل العدد الأخير، اللي هو تسعة وتسعين. تسعة وتسعين عدد يقبل القسمة على تلاتة بناتج قسمة حداشر. حداشر هو عدد أولي؛ ما يقبلش القسمة غير على نفسه أو الواحد. حداشر على حداشر هيساوي واحد. وكده يبقى خلّصنا تحليل العدد تسعة وتسعين لعوامله الأولية.

لو بصينا على العوامل الأولية لمجموعة الأعداد اللي عندنا، هنلاحظ إن من بين الأربع أعداد اللي عندنا، فيه العدد واحد وتمانين، وأربعة وخمسين، وتسعة وتسعين، يوجد بينهم عامل مشترك اللي هو تلاتة، وده مش موجود في العدد مية وعشرة. يبقى الأعداد التلاتة ليهم عامل مشترك أكبر هو تلاتة. أمّا العدد مية وعشرة، فلا يشترك معهم في العامل المشترك الأكبر؛ فالإجابة هي العدد مية وعشرة، هو ده العدد اللي ما بيشتركش مع الأعداد التلاتة الأخرى في العامل المشترك الأكبر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.