فيديو: كتابة معادلة الخط المستقيم في صيغة الميل والجزء المقطوع

اكتب معادلة المستقيم الذي ميله ١٠ عبر النقطة (١، −٢) في صورة ﺹ = ﻡﺱ + ﺟ.

٠٢:٠٦

‏نسخة الفيديو النصية

اكتب معادلة المستقيم الذي ميله عشرة، عبر النقطة واحد وسالب اتنين، في صورة ص تساوي م س زائد ﺟ.

بنلاقي إن ص تساوي م س زائد ﺟ هي، عبارة عن صيغة الميل والجزء المقطوع للخط المستقيم. وَ م هي عبارة عن ميل الخط المستقيم. وبالتالي بنلاقي إن ميل هذا الخط المستقيم يساوي عشرة. إذن م تساوي عشرة. وبكده يبقى معادلة الخط المستقيم هتكون عبارة عن ص تساوي عشرة س زائد ﺟ. بالتعويض عن م بعشرة.

بعد كده مطلوب تحديد قيمة ﺟ. وده هيتم من خلال معلومة مذكورة عندنا في السؤال. وهي إن هذا الخط المستقيم بيمُرّ بالنقطة واحد وسالب اتنين. وبالتالي فإن النقطة دي بتحقق معادلة هذا الخط المستقيم. وممكن نعوّض بيها في المعادلة.

بالتعويض بالنقطة واحد وسالب اتنين. بنعوّض عن ص بسالب اتنين. ونعوّض عن س بواحد. بنكمل ويبقى سالب اتنين هيساوي عشرة في واحد بعشرة، زائد ﺟ. بعد كده هنعزل ﺟ في طرف عشان نقدر نحدد قيمته. وده هيتم كالتالي. هنطرح عشرة من الطرفين. يبقى الطرف اليمين هيبقى عبارة عن سالب اتنين ناقص عشرة، تساوي عشرة زائد ﺟ ناقص عشرة. وعشرة ناقص عشرة بيكون الناتج بصفر. وبكده يبقى ﺟ قيمتها هتساوي سالب اتناشر.

يبقى معادلة الخط المستقيم هتكون عبارة عن عشرة س ناقص اتناشر. ودي تبقى الإجابة النهائية. وهي عبارة عن معادلة الخط المستقيم المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.