فيديو: إيجاد ارتفاع مثلث مُعطًى

إذا كانت مساحة الجزء المظلَّل في الشكل الموضَّح تساوي ٦٧٥ سم^٢، فأوجِد ﺱ.

٠٢:١٤

‏نسخة الفيديو النصية

إذا كانت مساحة الجزء المظلل في الشكل الموضح تساوي ستمية وخمسة وسبعين سنتيمتر مربع، فأوجد س.

أول حاجة نسمي كل الرؤوس والنقط اللي على الشكل، قانون مساحة المثلث بيساوي: واحد على اتنين، في طول القاعدة، في الارتفاع، فمساحة المثلث معطاة في السؤال اللي هي ستمية وخمسة وسبعين سنتيمتر مربع، وقاعدة المثلث هي الضلع ب د وطول ب د هيساوي طول قاعدة المثلث الكلية اللي هو أربعة وأربعين سنتيمتر، ناقص طول الجزء الآخر من المثلث اللي هو سبعتاشر، وأربعة وأربعين ناقص سبعتاشر هيساوي سبعة وعشرين سنتيمتر، فهنعوّض بالقيم ديه في قانون مساحة المثلث، مساحة المثلث بتساوي ستمية خمسة وسبعين من المعطيات، هتساوي: واحد على اتنين، في طول القاعدة اللي هي ب د هيساوي سبعة وعشرين، في الارتفاع اللي هو س سنتيمتر؛ فبالتالي بقى قدامنا معادلة في س، فهنضرب طرفين المعادلة في اتنين، فالمعادلة هتبقى اتنين في ستمية وخمسة وسبعين بتساوي: اتنين، في واحد على اتنين، في سبعة وعشرين، في س، وهتساوي بعد إجراء العمليات: ألف وتلتمية وخمسين بتساوي سبعة وعشرين س، بعدين نقسم الطرفين على سبعة وعشرين، فهيبقى ألف وتلتمية وخمسين على سبعة وعشرين بتساوي سبعة وعشرين س على سبعة وعشرين، فهتبقى ألف تلتمية وخمسين على سبعة وعشرين بتساوي سبعة وعشرين س على سبعة وعشرين، وبإجراء عمليات القسمة هنلاقي إن س بتساوي خمسين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.