فيديو: مقارنة البيانات وقراءتها في تمثيل بياني بالأعمدة

يوضح الرسم البياني التالي عدد الكتب التي قرأها مجموعة من الأصدقاء. أيُّ الأشخاص قرأ كتبًا أكثر من عباس؟

٠٢:٢٢

‏نسخة الفيديو النصية

يوضّح الرسم البياني التالي عدد الكتب التي قرأها مجموعة من الأصدقاء. أي الأشخاص قرأ كتبًا أكثر من عباس؟

دلوقتي الشكل اللي قدامنا ده بيبيّن مجموعة من الأعمدة بتمثّل عدد الكتب اللي قرأها كل شخص من الأشخاص اللي مذكور أسماءهم عندنا. دلوقتي إحنا عايزين نعرف أي الأشخاص اللي قرأ كتب أكثر من عباس، هنيجي من عند العمود اللي بيمثّل عدد الكتب اللي قرأها عباس ونعمل خط أفقي، ونشوف هيقطع المحور اللي بيمثّل عدد القصص في قيمة قد إيه؛ هنلاقي إن هو قطع المحور اللي بيمثّل عدد القصص بين تمنية وعشرة، في المنتصف يعني عند تسعة. دلوقتي عايزين نشوف عدد الكتب اللي قرأها باقي الأصدقاء، لو جينا نشوف رشا؛ هنلاقي إن رشا قرت عدد من الكتب لو مشينا كده بخط أفقي، هيبقى تقريبًا حوالي خمسة؛ يبقى قرأت عدد كتب أقل.

ولو جينا نشوف أسامة، باستخدام نفس الطريقة هنشوف العمود اللي بيمثّل عدد الكتب اللي قراها أسامة ونمشى من عنده بخط أفقي نقطع بيه المحور اللي بيمثل عدد القصص، هنلاقي إن أسامة تقريبًا قرأ تلات قصص، لغاية دلوقتي شُفنا إن رشا وأسامة قروا عدد كتب أقل من عباس.

دلوقتي هنشوف إدوارد، بنفس الطريقة لو مشينا بخط أفقي من عند قمة العمود اللي بيمثّل عدد القصص أو الكتب اللي قراها إدوارد، هنلاقي إنه بيقطع المحور اللي بيمثّل عدد القصص في … عند العدد عشرة، يبقى كده إدوارد قرا عدد كتب أكتر من اللي قراها عباس.

بنفس الطريقة عايزين نشوف عدد الكتب اللي قرتها دينا، هنمشي بخط أفقي من عند قمة العمود اللي بيمثّل عدد الكتب اللي قرتها دينا، ونقطع بيه المحور اللي بيمثّل عدد القصص، هنلاقي إن إحنا تقريبًا قطعناه في منتصف المسافة بين اتناشر وأربعتاشر؛ يعني عند العدد تقريبًا تلتاشر؛ وده معناه إن دينا قرت كتب أكتر من اللي قراها عباس.

يبقى كده قدرنا نعرف من خلال الشكل البياني اللي عندنا إن إدوارد ودينا قروا عدد من الكتب أكتر من اللي قراها عباس.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.