فيديو السؤال: جمع الكسور التي لها مقامات متشابهة الرياضيات

ما مجموع ٤/١ + ٤/١ + ٤/١ + ٤/١؟

٠١:٠٥

‏نسخة الفيديو النصية

ما مجموع واحد على أربعة، زائد واحد على أربعة، زائد واحد على أربعة، زائد واحد على أربعة؟

يعني معطى عندنا الكسور دي، وعايزين نوجد مجموعهم. فهنلاحظ عندنا إن الكسور ليها نفس المقام، اللي هو أربعة. وخلينا نفتكر إننا لمّا بنجمع كسور ليها المقام نفسه، فبيفضل المقام زي ما هو، وبنجمع البسوط. فبالتالي هيبقى: واحد على أربعة، زائد واحد على أربعة، زائد واحد على أربعة، زائد واحد على أربعة؛ بيساوي … هنكتب المقام نفسه، اللي هو أربعة.

وأمّا البسوط فهنجمعها، يعني هنجمع واحد زائد واحد زائد واحد زائد واحد. بعد كده هنجمعهم، فهيبقى المجموع هو أربعة. وأمّا المقام فهيفضل زي ما هو أربعة. فبالتالي هيبقى عندنا الناتج هو أربعة على أربعة. وخلينا نفتكر إننا لمّا بنقسم أيّ عدد على نفسه، بيبقى الناتج هو واحد. فمعنى كده إن أربعة على أربعة هتبقى بتساوي واحد. وبالتالي هيبقى مجموع واحد على أربعة، زائد واحد على أربعة، زائد واحد على أربعة، زائد واحد على أربعة؛ هو واحد.

Nagwa uses cookies to ensure you get the best experience on our website. Learn more about our Privacy Policy.