فيديو: اختصار خارج قسمة الكسور الجبرية بالتحليل

اختصر الدالة ﻥ(ﺱ) = (ﺱ^٢ − ١٦)/(٢ﺱ^٢ + ٩ﺱ) ÷ (٩ﺱ^٢ − ٧٢ﺱ + ١٤٤)/(٤ﺱ^٢ − ٨١).

٠٢:٥٩

‏نسخة الفيديو النصية

اختصر الدالة: ن س بتساوي س تربيع ناقص ستاشر، على اتنين س تربيع زائد تسعة س؛ على التسعة س تربيع ناقص اتنين وسبعين س زائد مية أربعة وأربعين، على الأربعة س تربيع ناقص واحد وتمانين.

أول حاجة الـ «على» دي هنحوّلها لضرب، بإن إحنا هنقلب الكسر اللي هو تسعة س تربيع ناقص اتنين وسبعين س زائد مية أربعة وأربعين؛ على أربعة س تربيع ناقص الواحد وتمانين. فهتبقى الـ ن س بالشكل ده: س تربيع ناقص الستاشر، على اتنين س تربيع زائد تسعة س؛ مضروبة في الأربعة س تربيع ناقص الواحد وتمانين، على التسعة س تربيع ناقص اتنين وسبعين س زائد مية أربعة وأربعين. وبعد كده هنشوف إذا كان فيه عوامل مشتركة نقدر ناخدها.

الـ س تربيع ناقص الستاشر، ما فيش عوامل مشتركة. الأربعة س تربيع ناقص الواحد وتمانين، ما فيش عوامل مشتركة. الاتنين س تربيع زائد التسعة س، نقدر ناخد الـ س مشتركة؛ هيتبقّى اتنين س زائد التسعة. التسعة س تربيع ناقص اتنين وسبعين س زائد مية أربعة وأربعين، نقدر ناخد التسعة مشترك. هناخدها بره كده، وبعدين هنضرب في الـ س تربيع ناقص تمنية س زائد الستاشر.

بعد كده هنحلّل إلى عوامل. الـ س تربيع ناقص الستاشر ده فرق بين مربعين، يعني نقدر نحلّله س ناقص الأربعة، في الـ س زائد أربعة. الأربعة س تربيع ناقص الواحد وتمانين هو كمان فرق بين مربعين؛ يبقى اتنين س ناقص تسعة، في اتنين س زائد التسعة. والمقام تسعة س مضروبة في، اتنين س زائد التسعة. والـ س تربيع ناقص التمنية س زائد الستاشر نقدر نحلّلها إلى عواملها. هنلاقي إنها مربع كامل. فهتبقى الـ س تربيع ناقص تمنية س زائد الستاشر هتساوي س ناقص أربعة الكل تربيع. حيث إن إحنا بناخد الجذر التربيعي للحدّ الأول، والجذر التربيعي للحدّ التالت، وإشارة الحدّ التاني.

يبقى كده المقام عبارة عن س ناقص الأربعة الكل تربيع مضروبة في، التسعة س في، الاتنين س زائد التسعة. هنختصر الحدود المتشابهة. هنا س ناقص الأربعة مع واحدة من الـ س ناقص الأربعة الكل تربيع. اتنين س زائد التسعة هنختصرها مع اتنين س زائد التسعة. يبقى الـ ن س هتساوي س زائد الأربعة مضروبة في، الاتنين س ناقص التسعة؛ على تسعة س في، الـ س ناقص الأربعة. وهو ده الدالة ن س بعد الاختصار.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.