فيديو: تحديد التمثيلات البيانية للمعادلات التربيعية في صورة القطع المكافئ

أي من المنحنيات التالية يمثل المعادلة ﺹ = ﺱ^٢ + ٣؟

٠٢:٢٦

‏نسخة الفيديو النصية

أي من المنحنيات التالية يمثّل المعادلة: ص يساوي س تربيع زائد التلاتة؟

دول أول تلات اختيارات باقي اختيارين، ودول الاختيارين الباقيين. علشان نعرف إيه المنحنى اللي بيمثل المعادلة، فيه عندنا حاجتين بنقدر نحدّد بيهم، أول حاجة إشارة معامل أعلى أس للـ س، اللي هو هنا بنسميه المعامل الأساسي وهنا قيمته واحد مضروبة في الـ س تربيع إشارته موجبة؛ يبقى معنى كده إن المنحنى مفتوح إلى أعلى.

تاني حاجة بنوجد نقاط التقاطع مع محور السينات بإن إحنا نساوي الـ ص بصفر، يعني الـ س تربيع زائد تلاتة هنساويها بالصفر، ومنها نوجد نقاط التقاطع مع محور السينات؛ فهنا س تربيع زائد تلاتة تساوي صفر، يعني معنى كده إن الـ س تربيع هتساوي سالب تلاتة، علشان نوجد الجذر التربيعي للسالب تلاتة، هتبقى قيمة غير حقيقية، معنى كده إن ما فيش تقاطع مع محور السينات، وما فيش جذور.

في الاختيارات كان قدامنا الاختيارين دول، معناهم إن فيه تماس حاصل ما بين المنحنى ومحور السينات عند نقطة تلاتة أو السالب تلاتة؛ يبقى معنى كده إن فيه جذور حقيقية بس منطبقة على بعضها قيمتها تلاتة أو السالب تلاتة، معنى كده إن دول اختيارات مش صحيحة؛ يبقى الاختيار ده مش هو المنحنى ص يساوي س تربيع زائد تلاتة، ولا ده.

الرسمين اللي قدامنا دول بيقطعوا محور السينات في نقطتين، معنى كده إن فيه جذور حقيقية بتساوي القيم دي؛ يبقى كمان ده لا يساوي س تربيع زائد تلاتة، ولا ده مش هو المنحنى اللي إحنا عايزينه.

المنحنى ده لا يقطع محور السينات، يبقى معنى كده إن هو ده الحل الصحيح، وده اللي يمثل ص يساوي س تربيع زائد التلاتة، وعلشان نتأكد إن الحل صحيح نعوّض بقيمة الـ س تساوي صفر؛ يبقى عند الـ س تساوي الصفر الـ ص هتساوي تلاتة، وهي فعلًا القيمة دي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.