فيديو: إيجاد مساحة المثلث

سوزان فائق

مثلث تقع رءوسه عند النِّقاط ﺃ، ﺏ، ﺟ التي إحداثياتها (٠، −١)، (٠، ٢)، (٥، ٠) على الترتيب. احسب مساحة المثلث ﺃﺏﺟ.

٠١:٥٤

‏نسخة الفيديو النصية

مثلث تقع رؤوسه عند النقاط أ وَ ب وَ ﺟ التي إحداثياتها: صفر وسالب واحد، وصفر واتنين، وخمسة وصفر؛ على الترتيب. احسب مساحة المثلث أ ب ﺟ.

دي إحداثيات النقاط اللي بتمثل رؤوس المثلث أ ب ﺟ؛ دي أ، ودي ب، ودي ﺟ.

مساحة المثلث بتساوي نص طول القاعدة في الارتفاع، من الرسم اللي قدامنا ده المسافة ما بين أ وَ ب عبارة عن تلات وحدات، وممكن نتأكّد من فعلًا إن هم تلات وحدات بإن إحنا نوجد المسافة أ وَ ب؛ س اتنين ناقص س واحد تربيع، زائد ص اتنين ناقص ص الواحد تربيع، ونوجد لهم الجذر التربيعي، هنا الـ س اتنين وَ الـ س واحد اللي هي قيم السينات في النقطتين دول قيمتهم صفر، وَ الـ ص اتنين ناقص ص واحد اللي هي هتبقى اتنين ناقص سالب واحد؛ يعني اتنين زائد واحد تبقى تلاتة، تربيعها تسعة، يبقى الجذر التربيعي لتسعة، يبقى أ ب هو يساوي تلاتة.

أ ب هتمثّل طول القاعدة، يعني طول القاعدة هتساوي تلاتة، الارتفاع اللي هو بيبقى العمودي اللي نازل من رأس الزاوية المقابلة للقاعدة؛ يعني ده هو العمودي اللي هنوجد طوله، ويبقى هو ده الارتفاع. هنا النقطة ﺟ إحداثياتها خمسة وصفر، يبقى معنى كده إن الوحدات دي قيمتها خمسة، يبقى الارتفاع طوله خمسة؛ يبقى مساحة المثلث أ ب ﺟ هيساوي نص في تلاتة في خمسة، يعني هيساوي سبع وحدات ونص، وهي دي الإجابة المطلوبة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.