فيديو: امتحان الفيزياء • ٢٠١٧/٢٠١٦ • السؤال الأربعون

امتحان الفيزياء • ٢٠١٧/٢٠١٦ • السؤال الأربعون

٠١:١١

‏نسخة الفيديو النصية

يسقط ضوء أُحادي اللون على سطح معدن، فيتحرّر منه إلكترونات. صف كيف تؤثر زيادة شدّة الضوء على طاقة حركة الإلكترونات.

لو فيه إلكترونات موجودة على سطح معدن، وسقط عليها ضوء أحادي اللون … فلو طاقة الفوتون الواحد من الضوء ده كانت كفاية، الإلكترون بيمتص طاقة الفوتون الواحد. وبيستخدم جزء منها علشان يعرف يتحرّر من سطح المعدن. والجزء اللي فاضل بيتحوّل لطاقة حركة. فنقدر كده نقول إن كل طاقة الفوتون بتساوي دالة الشغل، اللي هي الطاقة اللازمة علشان الإلكترون يتحرّر من سطح المعدن. زائد طاقة الحركة بتاعة الإلكترون المتحرر.

وممكن من هنا نستنتج إن طاقة حركة الإلكترون بتساوي طاقة الفوتون، ناقص دالة الشغل. يعني اللي بيأثّر على طاقة حركة الإلكترون، هي طاقة الفوتون الساقط عليه، ودالة الشغل بتاعة المعدن. أمّا زيادة شدّة الضوء، فمعناه إن معدل عدد الفوتونات اللي بينزل على السطح هيزيد. فبما إن كده كده الإلكترون بيمتص طاقة فوتون واحد، فعدد الفوتونات مش هيزوّد طاقة الحركة للإلكترونات. ولكن هيزوّد عدد الإلكترونات المحرّرة من السطح. فممكن كده نقول إن بزيادة شدّة الضوء، لا تتغيّر طاقة حركة الإلكترونات المنبعثة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.