فيديو السؤال: إيجاد ميل خط مستقيم بمعلومية نقاط معطاة في جدول الرياضيات

أوجد ميل الخط الذي يصف العلاقة بين المحيط (ﺹ) والطول (ﺱ) كما هو موضح في الجدول.

٠١:٤١

‏نسخة الفيديو النصية

أوجد ميل الخط الذي يصف العلاقة بين المحيط ص والطول س كما هو موضح في الجدول. لمّا كان طول الضلع س ستة، كان المحيط ص ستة وتلاتين. ولمّا كان تمنية، المحيط تمنية وأربعين. ولمّا كان طول الضلع عشرة، المحيط ستين. ولمّا كان طول الضلع اتناشر، كان المحيط اتنين وسبعين.

هنلاحظ أن الزيادة ثابتة. مقدار الزيادة ثابت. كل ما بنزود طول الضلع بمقدار اتنين، كل ما المحيط بيزيد بمقدار اتناشر. يعني لمّا طول الضلع زاد من ستة إلى تمنية، زاد المحيط بمقدار اتناشر من ستة وتلاتين إلى تمنية وأربعين، وهكذا.

وهيبقى الميل ثابت. وهيكون هذا الميل الثابت بيساوي التغير في ص، على التغير في س. والتغير في ص طالما الميل ثابت، هناخد أي قيمتين لـ ص، وليكن أول وتاني قيمة؛ لأن إحنا خلاص اتأكدنا إن الميل ثابت، فهناخد أول وتاني قيمة ونعوّض بيهم. تمنية وأربعين ناقص ستة وتلاتين، وناخد نفس القيمتين بس المرة دي مع س ستة وثمانية، ونعوّض بيهم.

وهيكون التغير في س بيساوي تمنية ناقص ستة، وده بيساوي … تمنية وأربعين ناقص ستة وتلاتين هتساوي اتناشر، وتمنية ناقص ستة هيساوي اتنين، ويكون الميل في هذه الحالة بيساوي ستة.

Nagwa uses cookies to ensure you get the best experience on our website. Learn more about our Privacy Policy.