فيديو: تحديد نظام المتباينات الذي يصف موقف معطى

راعي أغنام يريد بناء حظيرة أغنام مستطيلة الشكل. يجب أن يزيد طول الحظيرة على ٨٨ م وأن يقل محيطها عن ٢٥٣ م. اكتب نظام المتباينات الذي يَصِف هذا الأمر، مستخدمًا ﺱ لطول الحظيرة، ﺹ لعرضها.

٠١:٢٩

‏نسخة الفيديو النصية

راعي أغنام يُريد بناء حظيرة أغنام مستطيلة الشكل. يجب أن يزيد طول الحظيرة على تمنية وتمانين متر، وأن يقلّ محيطها عن ميتين تلاتة وخمسين متر. اكتب نظام المتبايِنات الذي يصف هذا الأمر، مستخدمًا س لطول الحظيرة، وَ ص لعرضها.

يبقى دلوقتي عندنا راعي أغنام. هيبني حظيرة على شكل مستطيل. هنستخدم س ليعبّر عن طول الحظيرة، وَ ص ليعبّر عن عرضها. أول شرط مذكور في السؤال إن طول الحظيرة يجب أن يزيد عن تمنية وتمانين متر. يبقى طول الحظيرة اللي رمزنا له بالرمز س لازم يبقى أكبر من تمنية وتمانين. الشرط التاني إن محيط الحظيرة يقلّ عن ميتين تلاتة وخمسين متر.

طب الحظيرة على شكل مستطيل. فيبقى نقدر نحسب محيط الحظيرة إن هو هيبقى عبارة عن اتنين في، الطول زائد العرض. الطول اللي هو س زائد العرض اللي هو ص. ده كده هيبقى محيط الحظيرة. والمطلوب إن المحيط يقلّ عن ميتين تلاتة وخمسين. فهيبقى اتنين س زائد ص أقل من ميتين تلاتة وخمسين.

يبقى نظام المتباينات اللي وصلنا له ده، اللي هو س أكبر من تمنية وتمانين، واتنين في، س زائد ص أقل من ميتين تلاتة وخمسين. هو ده اللي بيوصف الشروط اللي لازم راعي الأغنام يراعيها وهو بيبني حظيرة أغنامه، اللي على شكل مستطيل.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.