فيديو: امتحان الديناميكا • ٢٠١٧/٢٠١٦ • السؤال الثالث عشر

امتحان الديناميكا • ٢٠١٧/٢٠١٦ • السؤال الثالث عشر

٠١:٤٥

‏نسخة الفيديو النصية

أثّرت قوةٌ متغيّرة ق مقيسةٌ بالنيوتن على جسم؛ حيث ق تساوي ثلاثة ف تربيع، ناقص أربعة. أوجد بالجول مقدار الشغل المبذول بواسطة هذه القوة في الفترة الزمنية من ف تساوي متران إلى ف تساوي خمسة أمتار.

بالنظر للمثال هنلاقي إن القوة المعطاة هي دالة في المسافة. وده معناه إن القوة متغيّرة. وفي الحالة دي الشغل بيساوي تكامل القوة بالنسبة للمسافة من النقطة أ إلى النقطة ب.

فلو عوّضنا بالقوة في التكامل. ده هيساوي تكامل تلاتة ف تربيع، ناقص أربعة بالنسبة لِـ ف؛ من ف بتساوي مترين إلى ف بتساوي خمس أمتار. يعني من اتنين إلى خمسة. ده هيساوي تلاتة في، ف تكعيب على تلاتة؛ ناقص أربعة في ف. الكل من اتنين إلى خمسة.

وباستخدام التبسيط ده هيساوي ف تكعيب، ناقص أربعة ف؛ من اتنين إلى خمسة. فهنعوّض مرة عن ف بإنها بتساوي خمسة، ومرة بإنها بتساوي اتنين. والفرق بينهم هيكون بيساوي مقدار الشغل. وده هيساوي خمسة تكعيب ناقص، أربعة في خمسة. الكل ناقص؛ اتنين تكعيب ناقص، أربعة في اتنين. يعني هيساوي مية وخمسة ناقص صفر.

وبالتالي الشغل المبذول بواسطة القوة في الفترة الزمنية من ف بتساوي مترين إلى ف بتساوي خمس أمتار؛ بيساوي مية وخمسة جول.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.