فيديو: خاصية الإبدال في الجمع

أكمل: ٠ + ١٠ = ١٠ + _.

٠١:١٦

‏نسخة الفيديو النصية

أكمل: صفر زائد عشرة، تساوي عشرة زائد نقط.

عاوزين نكمل العبارة اللي قدامنا دي، ونعرف مكان النقط هنا المفروض نكتب إيه. علشان نعرف نحل السؤال ده، هنستخدم خاصية الإبدال. يعني إيه خاصية الإبدال؟ أو خاصية الإبدال بتقول لنا إيه؟ بتقول لنا إن إننا لو عندنا عددين زي مثلًا الاتنين والتلاتة، وجمعناهم؛ هي هيّاها لو بدّلناهم. يبقى الإبدال جاية من التبديل. يعني إيه؟ يعني لو قلنا تلاتة زائد اتنين، بدّلناهم أو عكسنا أماكنهم، همّ الاتنين هيساووا بعض أو هيكونوا زي بعض، ما فيش أي فرق. اتنين زائد تلاتة بتساوي خمسة، وتلاتة زائد اتنين زيها برضو بتساوي خمسة. هي دي الخاصية المستخدمة في السؤال عندنا. عندنا هنا صفر زائد عشرة، بتساوي عشرة زائد إيه؟ زائد صفر. وفي الحالتين الناتج بيساوي عشرة. يبقى ده معناه إننا كمّلنا النقط وكتبنا مكان النقط صفر. وتبقى هي دي الإجابة الصح: صفر.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.