فيديو: تطبيق ترتيب العمليات في مسألة رياضية

احسب التالي: ٩ × ٧ + ٥ × ٣.

٠١:٣٥

‏نسخة الفيديو النصية

احسب التالي: تسعة في سبعة، زائد خمسة في تلاتة.

هنلاحظ إن عندنا أكتر من عملية حسابية بتُجرى على مجموعة الأرقام دول. عندنا عملية ضرب، وعملية جمع، وعملية ضرب أخرى. طب إيه هيبقى ترتيب تنفيذ العمليات دي؟ إحنا عارفين من ترتيب تنفيذ العمليات الحسابية، إن أولوية التنفيذ لعمليات الضرب والقسمة، قبل تنفيذ الجمع والطرح. الضرب والقسمة الترتيب بتاعهم هو اللي بيقول لنا هننفّذ مين الأول. يعني أول حاجة فيهم هتقابلنا من جهة اليمين، هي اللي هننفذها. بعد كده لو قابلنا عمليات جمع وطرح، برضو هننفذ اللي هيقابلنا على اليمين الأول. يبقى الضرب والقسمة ليهم أولويات تنفيذ أعلى من الجمع والطرح.

يبقى دلوقتي هنبدأ بتنفيذ عملية الضرب اللي هتقابلنا الأول من جهة اليمين. حاصل ضرب تسعة في سبعة، هيبقى تلاتة وستين. وبعدين نحطّ عملية الجمع دلوقتي زيّ ما هي، مش هننفذها في الخطوة دي. هننفذ عملية الضرب التانية. هنشوف حاصل ضرب تلاتة في خمسة، هيبقى خمستاشر. دلوقتي هنجمع العددين اللي بقوا عندنا. عايزين نجمع تلاتة وستين زائد خمستاشر. هنبتدي نجمع الآحاد. تلاتة زائد خمسة، هيبقى تمنية. وبعدين العشرات؛ ستة زائد واحد، هيبقى سبعة. ويبقى كده الناتج هو تمنية وسبعين.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.