تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: طرح الكسور ذات المقامات المختلفة

أحمد لطفي

احسب ٩/٧ − ٦/٤.

٠٢:٢٥

‏نسخة الفيديو النصية

احسب: سبعة على تسعة، ناقص أربعة على ستة.

هنلاحظ أننا محتاجين نحسب ناتج طرح كسور مقاماتها مختلفة، وبالتالي عشان نقدر نوجد ناتج الطرح محتاجين نوحّد الكسور، يعني هيكون عندنا سبعة على تسعة، ناقص أربعة على ستة، عشان نقدر نوحَّد المقامات محتاجين نستخدم المضاعف المشترك الأصغر، عشان نكوِّن كسور متكافئة ذات مقامات مشتركة، وبما إن المضاعف المشترك الأصغر للتسعة والستة هو ستة وتلاتين، فهنحول الكسر سبعة على تسعة إلى كسر آخر مقامه ستة وتلاتين، وهنحوّل الكسر أربعة على ستة إلى كسر آخر مقامه ستة وتلاتين، وبالتالي سبعة على تسعة ناقص أربعة على ستة، هيساوي … عشان نحوِّل أول كسر اللي هو سبعة على تسعة إلى كسر آخر مقامه ستة وتلاتين، يعني هنضرب البسط والمقام في أربعة، ناقص … عشان نحاول تاني كسر اللي هو أربعة على ستة إلى كسر آخر مقامه ستة وتلاتين، هنضرب البسط والمقام في ستة، يعني هيساوي: سبعة في أربعة بتمنية وعشرين، على تسعة في أربعة بستة وتلاتين، ناقص، أربعة في ستة بأربعة وعشرين، على ستة في ستة بستة وتلاتين، وبالتالي سبعة على تسعة ناقص أربعة على ستة، هتساوي تمنية وعشرين على ستة وتلاتين، ناقص أربعة وعشرين على ستة وتلاتين، يعني هيساوي أربعة على ستة وتلاتين.

هنحتاج نختصر الكسر، فهنلاحظ إن عندنا عامل مشترك أكبر للأربعة والستة والتلاتين وهو الأربعة، يعني هنقسم البسط على أربعة، فأربعة على أربعة يساوي واحد، وهنقسم المقام على أربعة، فستة وتلاتين على أربعة هيساوي تسعة؛ وبالتالي أربعة عَ الستة وتلاتين هيساوي واحد على تسعة، ويبقى سبعة على تسعة، ناقص أربعة على ستة، هيساوي واحد على تسعة.