فيديو السؤال: تحديد المستطيلات الرياضيات

ما اسم الشكل الأزرق؟

٠١:٠٣

‏نسخة الفيديو النصية

ما اسم الشكل الأزرق؟

عندنا شكلين قدّامنا: شكل أزرق، وشكل أحمر. وعاوزين نعرف الشكل الأزرق اسمه إيه.

تعالوا كده نشوف خواصه. الشكل الأزرق عندنا مكوّن من أربع أضلاع، يبقى هو شكل رباعي. والشكل الأزرق فيه الضلعين دول بيساووا بعض، وفيه الضلعين دول بيساووا بعض. الضلعين اللي علّمناهم بالعلامات الصفرا طولهم تلات وحدات. والضلعين اللي علّمناهم بالعلامة الخضرا طولهم أربع وحدات.

فده معناه إن الأضلاع كلها مش بيساووا بعض. لأ؛ ده فيه كل ضلعين متقابلين متساويان في الطول. وفيه إيه كمان الشكل ده؟ فيه قياس كل زاوية من زواياه بتساوي تسعين درجة.

الخواص اللي إحنا قلناها دي هي خواص المستطيل؛ فيبقى اسم الشكل الأزرق اللي عندنا: «مستطيل». وهي دي الإجابة الصح.

Nagwa uses cookies to ensure you get the best experience on our website. Learn more about our Privacy Policy.