فيديو: تحديد المستطيل

هل هذا الشكل الرباعي مستطيل؟

٠١:٣٥

‏نسخة الفيديو النصية

هل هذا الشكل الرباعي مستطيل؟

الأول هنلاحظ إنه الشكل اللي عندنا ده عنده كل ضلعين متقابلين، يعني قصاد بعض، بيكونوا متوازيين، وكمان متساويين في الطول. هنلاحظ كمان إن جميع أضلاعه الأربعة متساوية في الطول. وهنلاحظ من الشكل اللي عندنا إن عنده زاويتين حادّتين؛ يعني أقل من تسعين درجة. وزاويتين منفرجتين؛ واللي هم أكبر من تسعين درجة.

هنبدأ دلوقتي نقارن صفات الشكل اللي قدّامنا ده بصفات المستطيل. هنلاقي إن المستطيل بالفعل عنده كل ضلعين قصاد بعض متوازيين وبيساووا بعض في الطول.

أمّا الصفه التانية هتبقى مش موجودة في المستطيل؛ لأن المستطيل جميع أضلاعه مش متساوية. والصفه التالتة، وهي إن لديه زاويتين حادّتين، وزاويتين منفرجتين، برضو مش موجودة في المستطيل؛ لأن المستطيل كل زواياه قائمة، يعني بتساوي تسعين درجة. وهو ده شكل المستطيل.

وبكده هيكون الشكل اللي عندنا هو شكل رباعي لكن مش مستطيل؛ فهتكون إجابة السؤال هي: لا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.