فيديو: إيجاد سرعة جسم باستخدام التمثيل البياني للسرعة والزمن

يُمثِّل الرسم البياني التالي العلاقة بين عجلة جسم تحرَّك من السكون في خط مستقيم والزمن الذي استغرقه. ماذا كانت سرعة الجسم عند ﻥ = ١١ ث؟

٠٢:١٨

‏نسخة الفيديو النصية

يمثّل الرسم البياني التالي العلاقة بين عجلة جسم تَحرّك من السكون في خط مستقيم، والزمن الذي استغرقه. ماذا كانت سرعة الجسم عند الـ ن تساوي حداشر ثانية؟

بما أن الرسم البياني المعطى هو علاقة ما بين العجلة وبين الزمن ن، يبقى معنى كده إن المساحة اللي تحت المنحنى دي بتمثّل سرعة الجسم. وعلشان نوجد المساحة اللي تحت المنحنى، هنقسّمها لجزئين؛ الجزء اللي فيه الخط المنحنى ده، والجزء التاني اللي هو عبارة عن مستطيل. الشكل اللي هو رقم واحد ده، عبارة عن منحنى علاقته: ج تساوي ن تربيع على التلاتة. علشان نوجد مساحته، يبقى هنكامل من الـ ن تساوي صفر، إلى الـ ن تساوي الستة.

يبقى هنكامل من الصفر إلى الستة للمنحنى ن تربيع على تلاتة بالنسبة للـ ن، زائد مساحة الشكل رقم اتنين ده عبارة عن مستطيل، مساحته طول في عرض؛ الطول هيبقى الاتناشر ناقص الصفر، والعرض هيبقى الحداشر ناقص الستة. يبقى هيساوي … التكامل من الصفر للستة للـ ن تربيع على تلاتة، التكامل بيبقى هنزوّد الأُس واحد، وبنقسم عليه، وإحنا عندنا فيه تلاتة كمان، وهنعوّض من الصفر إلى الستة، زائد … الاتناشر مضروبة في خمسة، يبقى زائد ستين.

هنعوّض بالستة والصفر، وهنطرحهم من بعض، يبقى ن تكعيب هتبقى ستة أُس تلاتة على، تلاتة في تلاتة، ناقص … التعويض بالصفر هيبقى قيمته صفر، الكلام ده كله زائد الستين؛ هيساوي أربعة وعشرين زائد ستين، يعني هتساوي أربعة وتمانين. ووحدة قياس السرعة هي متر على الثانية، يبقى هي دي سرعة الجسم عند ن يساوي حداشر ثانية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.