فيديو السؤال: تحديد الأشكال الرياضيات

ما هذا الشكل؟

٠١:٣١

‏نسخة الفيديو النصية

ما هذا الشكل؟

عندنا الشكل اللي قدامنا ده، وعاوزين نعرف هو اسمه إيه. تعالوا نشوف، الشكل اللي قدامنا ده مجسّم، والمجسّم ده له أوجه؛ يعني مثلًا كده ده وجه، طيب هو الوجه اللي إحنا بنظلله ده على شكل إيه؟ مش الوجه ده على شكل مربع؟ آه، طيب إيه المجسم اللي عنده الوجه بتاعه على شكل مربع؟ ومش وجه واحد بس، ده كل الأوجه بتاعته على شكل مربع، يعني لو جينا نبُص هنلاقي الوجه ده كمان على شكل مربع، وده تاني وجه ليه، وده كمان على شكل مربع، وده الوجه التالت ليه، وده الوجه الرابع وبرضو على شكل مربع، وده الوجه الخامس على شكل مربع، وده آخر وجه والسادس وبرضو على شكل مربع؛ يبقى كده الشكل اللي قدامنا ده له كام وجه؟ ست أوجُه، وكل وجه من الأوجه بتاعته دي على شكل إيه؟ مربع، اللي إحنا كتبناه ده مواصفات الإيه؟ المكعب، يبقى معنى كده إن الشكل اللي قدامنا ده اسمه مكعب، تبقى هي دي الإجابة الصح؛ مكعب.

Nagwa uses cookies to ensure you get the best experience on our website. Learn more about our Privacy Policy.