فيديو السؤال: تقدير مساحة شكل الرياضيات

قدِّر مساحة الجزء المظلَّل. [أ] ٢٤٫٥ [ب] ١٥ [ج] ٣٩٫٥ [د] ٣١٫٥ [ﻫ] ٢٠٫٥

٠١:٥٢

‏نسخة الفيديو النصية

قدِّر مساحة الجزء المظلَّل. أ: أربعة وعشرين وخمسة من عشرة. ب: خمستاشر. ج: تسعة وتلاتين وخمسة من عشرة. د: واحد وتلاتين وخمسة من عشرة. هـ: عشرين وخمسة من عشرة.

دلوقتي أحد الطرق اللي بنستخدمها عشان نوجد مساحة شكل ما، هي إننا بنشوف عدد المربعات اللي بتقدر تغطّي سطح الشكل ده بالكامل. والعدد ده هو اللي بيمثّل مساحة الشكل. الشكل اللي قدامنا ده هنلاقي إن فيه أجزاء فيه احتجنا لتغطيتها، أجزاء من مربعات كاملة، مش مربع كامل.

هنبدأ الأول نعدّ عدد المربعات الكاملة اللي استخدمناها لتغطية سطح الشكل. لو عدِّينا المربعات الكاملة، هنلاقي إن إحنا احتجنا نستخدم أربعة وعشرين مربع كامل في تغطية الشكل اللي عندنا. دلوقتي بما إننا بنجيب مساحة تقديرية، يعني تقريبية، فهنعتبر أيّ جزء استخدمناه من مربع غير مكتمل، هنعتبره نصّ مربع. خلّينا نعدّ أنصاف المربعات اللي احتجنا نستخدمها في تغطية سطح الشكل. واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر.

يبقى زيّ ما قلنا، المساحة هي عدد المربعات اللي استخدمناها لتغطية سطح الشكل. وإحنا احتجنا نستخدم أربعة وعشرين مربع كامل زائد خمستاشر نصّ. يعني كده هيبقى عندنا أربعة وعشرين زائد سبعة ونصّ. فهيطلع المجموع واحد وتلاتين ونصّ. ويبقى ده هو المساحة التقديرية للجزء المظلّل في الشكل.

Nagwa uses cookies to ensure you get the best experience on our website. Learn more about our Privacy Policy.