فيديو: نموذج تدريب امتحان الفيزياء • ٢٠١٩ • السؤال الثاني والعشرون

نموذج تدريب امتحان الفيزياء • ٢٠١٩ • السؤال الثاني والعشرون

٠١:٣٦

‏نسخة الفيديو النصية

أحد عيوب الأميترات الحرارية أنها يمكن أن تتأثر بدرجة حرارة الوسط المحيط. كيف يمكن التغلب على هذا العيب؟

الأميتر الحراري بيبقى مكوّن من سلك ليه معامل تمدُّد حراري معيّن، مشدود ببكرة وزنبرك. ومتوصّل معاه على التوازي مقاومة مجزّئة للتيار. فلما نمشّي تيار في الأميتر الحراري، بيبدأ يتكوّن طاقة حرارية في السلك. وبالتالي درجة حرارة السلك بتبدأ تزيد. وده بيدّي فرصة للزنبرك إنه يشدّ السلك شوية لتحت. فالبكرة والمؤشر يتحركوا. والمؤشر هيتحرك لقراءة التيار اللي ماشي في السلك.

ولكن عيب الأميتر الحراري ده، إنه ممكن يتأثر بدرجة حرارة الوسط المحيط. يعني لو افترضنا إن ما كانش فيه تيار، ولكن درجة حرارة الوسط المحيط كانت عالية … فالمؤشر اللي المفروض يكون بيشاور على الصفر لأن ما فيش تيار ماشي فيه، هيبقى بيشاور على قيمة تانية. وده لأن السلك حصل له تمدُّد حرارى، نتيجة درجة حرارة الوسط المحيط مش التيار اللي ماشي فيه.

وعلشان نعرف نتغلب على العيب ده، بنشدّ السلك على لوحة من مادة ليها نفس معامل التمدُّد الحراري للسلك. وبالتالي التمدد اللي هيحصل في السلك نتيجة درجة حرارة الوسط المحيط، هيبقى نفس التمدد اللي بيحصل في اللوحة بسبب درجة حرارة الوسط المحيط. وده هيخلّي السلك يبقى دايمًا مشدود، طالما مش ماشي فيه تيار. ولازم نراعى إن السلك يكون معزول كهربيًّا وحراريًّا عن اللوحة. وممكن كده نقول إن طريقة التغلب على العيب ده، إن يُشَدّ السلك على لوحة من مادة لها نفس معامل التمدد الحراري للسلك. مع عزله كهربيًّا وحراريًّا عنها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.