تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: التعبير عن الأسس وإيجاد قيمتها في صورة حاصل ضرب في المسائل الكلامية

أحمد لطفي

طول اليوم الفلكي الواحد على كوكب الزهرة يساوي ٣^٥ أيام على كوكب الأرض. عبِّر عن هذا في صورة حاصل ضرب، ثم احسبه لإيجاد عدد الأيام على كوكب الأرض في يوم فلكي واحد على الزهرة.

٠١:٤٩

‏نسخة الفيديو النصية

طول اليوم الفلكي الواحد على كوكب الزهرة يساوي تلاتة أس خمس أيام على كوكب الأرض، عبِّرْ عن هذا في صورة حاصل ضرب، ثم احسبه لإيجاد عدد الأيام على كوكب الأرض في يوم فلكي واحد على الزهرة.

في البداية، هنفتكر أ أس اتنين كانت بتساوي أ في أ، ولو عندنا أ أس أربعة هتساوي أ في أ في أ في أ؛ وبالتالي هنلاحظ إن العدد اللي مكتوب في الأس هيساوي عدد مرات أ وكلهم مضروبين في بعض.

وبالتالي لو عايزين نعبَّر عن تلاتة أس خمسة، فبما إن العدد اللي في الأس هو خمسة، يعني هيكون عندنا خمس تلاتات وكلهم مضروبين في بعض، يعني تلاتة أس خمسة هتساوي تلاتة في تلاتة في تلاتة في تلاتة في تلاتة، وبالتالي لو عايزين نحسب قيمة تلاتة أس خمسة، يعني تلاتة أس خمسة هتساوي عندنا تلاتة في تلاتة هتساوي تسعة، يعني تسعة في تلاتة في تلاتة في تلاتة، يعني هتساوي عندنا تسعة في تلاتة تساوي سبعة وعشرين، يعني سبعة وعشرين في تلاتة في تلاتة، يعني هتساوي عندنا سبعة وعشرين في تلاتة بتساوي واحد وتمانين، يعني واحد وتمانين في تلاتة، يعني هتساوي ميتين تلاتة وأربعين، وبالتالي تلاتة أس خمسة هتساوي ميتين تلاتة وأربعين.

يعني اليوم الفلكي الواحد على الزهرة هيساوي ميتين تلاتة وأربعين يوم على كوكب الأرض.