فيديو: تبسيط المقادير باستخدام خواص الدمج والإبدال في الجمع

حدّد المقدار الذي لا يساوي المقادير الثلاثة الأخرى. [أ] ٩(س − ١٧) [ب] ٤س − ١٧ + ٥س [ج] −٨ + ٩س − ٩ [د] ٩س − ١٧

٠٢:١٧

‏نسخة الفيديو النصية

حدّد المقدار الذي لا يساوي المقادير الثلاثة الأخرى. أ: تسعة في، س ناقص سبعتاشر. ب: أربعة س ناقص سبعتاشر زائد خمسة س. ج: سالب تمنية زائد تسعة س ناقص تسعة. د: تسعة س ناقص سبعتاشر.

عشان نقدر نعرف المقدار المختلف، هنوجد أبسط صورة للمقادير. فالمقدار الأول هيبقى تسعة في س، ناقص تسعة في سبعتاشر. يساوي تسعة س ناقص تسعة في سبعتاشر، اللي بيساوي تسعة س ناقص … تسعة في سبعتاشر نضربها بشكل رأسي. أول حاجة نضرب تسعة في سبعة هيساوي تلاتة وستين، فهنكتب تلاتة في الناتج، ونكتب ستة فوق القيمة المكانية اللي بعد كده. بعدين نضرب تسعة في واحد هيساوي تسعة، ونضيف ليها ستة هيساوي خمستاشر. يبقى هيساوي تسعة س ناقص مية وتلاتة وخمسين.

بالنسبة للمقدار التاني، هنجمع الحدود المتشابهة. فهيبقى أربعة س زائد خمسة س هيساوي تسعة س، ناقص سبعتاشر. بالنسبة للمقدار التالت، هنجمع الحدود المتشابهة برضو. فهيبقى تسعة س ناقص … سالب تمنية ناقص تسعة هيساوي سالب سبعتاشر. يبقى تسعة س ناقص سبعتاشر. بالنسبة للمقدار الرابع، فهو في أبسط صورة.

هنلاقي إن المقدار التاني، والتالت، والرابع بيساووا تسعة س ناقص سبعتاشر. يبقى المقدار اللي ما بيساويهمش هو تسعة س ناقص مية وتلاتة وخمسين؛ اللي هو المقدار تسعة في، س ناقص سبعتاشر. تبقى الإجابة الصحيحة هي: الإجابة أ.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.