فيديو: قسمة عددين صحيحين

ما العدد الصحيح الذي يقع بين خارج قسمة ٣٠ ÷ ٦ وخارج قسمة ٢٤ ÷ ٨؟

٠١:٥٣

‏نسخة الفيديو النصية

ما العدد الصحيح الذي يقع بين خارج قسمة تلاتين على ستة، وخارج قسمة أربعة وعشرين على تمنية؟ وعندنا على خط الأعداد، ومطلوب نعرف العدد اللي موجود هنا.

وعلشان نعرف العدد ده هنبدأ الأول نحسب خارج قسمة تلاتين على ستة. هنسأل نفسنا يا ترى إيه العدد اللي لو ضربناه في ستة هيكون حاصل الضرب هو العدد تلاتين؟

هنفتكر من جدول ضرب العدد ستة إنه حاصل ضرب ستة في خمسة بالفعل بيساوي تلاتين. معنى كده إنه خارج قسمة تلاتين على ستة بيساوي العدد خمسة. هنكتب حاصل ضرب خمسة في ستة ده تحت التلاتين، وبعدين نطرح. باقي القسمة أصفار، يبقى كده عملية القسمة انتهت.

وبعد كده هنبدأ نحسب خارج قسمة أربعة وعشرين على تمنية. وبرضو هنسأل نفسنا يا ترى إيه العدد اللي لمّا نضربه في تمنية هيكون حاصل الضرب هو العدد أربعة وعشرين؟

هنفتكر من جدول ضرب العدد تمنية إنه حاصل ضرب تمنية في تلاتة بيساوي العدد أربعة وعشرين. معنى كده إنه خارج قسمة أربعة وعشرين على تمنية بيساوي العدد تلاتة. بعد كده هنكتب حاصل ضرب تلاتة في تمنية تحت الأربعة وعشرين، ونطرح. باقي القسمة أصفار، يبقى كده عملية القسمة انتهت.

فاضل دلوقتي نستنتج العدد اللي بين التلاتة والخمسة على خط الأعداد، هنعرف إن هو العدد: أربعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.