فيديو: قراءة البيانات من الأعمدة البيانية

جمّعت خديجة البيانات الموضحة من خمسة مطاعم محلية. هل الحليب المخفوق بالمطعم ﺟ يحتوي على ٥ جرامات من الدسم؟

٠١:٥١

‏نسخة الفيديو النصية

جمّعت خديجة البيانات الموضّحة من خمسة مطاعم محلّية. هل الحليب المخفوق بالمطعم ﺟ يحتوي على خمس جرامات من الدسم؟

يعني عندنا بنت اسمها خديجة. راحت خمس مطاعم محلّية في البلد بتاعتها. وبدأت تجمّع معلومات عن المطاعم دي. فعملت الرسم البياني الموضّح قدامنا ده. وهو اللي بيمثّل كمّية الدسم بالجرام، الموجودة في الحليب المخفوق اللي موجود في بعض المطاعم المحلية. يبقى مطعم فيه حليب مخفوق. عاوزين نعرف نسبة الدسم فيه قدّ إيه. فجابت طبعًا عدد من المطاعم أ وَ ب وَ ﺟ وَ د وَ هـ. وجابت نسبة الدسم في كل مطعم، ومثّلته بالأعمدة الخضرا اللي قدامنا.

السؤال هنا: هل الحليب المخفوق بالمطعم ﺟ يحتوي على خمس جرامات من الدسم؟ عاوزين نشوف السؤال ده صحّ ولّا غلط. فهنروح للمطعم ﺟ أهو، ونشوف العمود بتاعه طالع لنسبة قدّ إيه في الدسم. هنلاقي إن ده آخر العمود ﺟ، وبيقابل تلتاشر مش خمسة. يبقى العمود ﺟ يحتوي، على خمس … على … آسفة، على تلتاشر جرام من الدسم، مش خمسة.

يبقى الإجابة هنا: لا. لأن المطعم اللي بيحتوي على خمس جرامات من الدسم هو ب؛ لأنه قصاد الخمسة، مش ﺟ. فالإجابة الصحيحة والإجابة النهائية هي: لا.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.