نسخة الفيديو النصية
إذا كان أ في ب يساوي أ، وأ لا تساوي صفر؛ فما قيمة ب؟
يعني معطى عندنا المعادلة دي، ومعطى إن أ لا تساوي صفر، والمطلوب إننا نوجد قيمة ب. وبما إن المعادلة هي أ في ب بتساوي أ، وبما إن أ لا تساوي صفر؛ فمعنى كده إن أ بتمثّل عدد. وبما إن حاصل ضرب العدد اللي هو أ في ب بتساوي أ، يعني بتساوي نفس العدد، فمعنى كده إن قيمة ب هي واحد. لأن حاصل ضرب أيّ عدد في الواحد بتساوي العدد نفسه.
فمعنى كده إن ب بتساوي واحد؛ لأن أ في واحد بتساوي أ. فمهما كان قيمة أ، أيًّا إن كان العدد إيه هو، فيبقى حاصل ضرب أيّ عدد في الواحد بيساوي العدد نفسه. وبالتالي هتبقى قيمة ب هي واحد.
