فيديو: قراءة وكتابة الأعداد حتى ١٠٠٠

نهال عصمت

يتناول الفيديو طريقة قراءة وكتابة الأعداد حتى ١٠٠٠ بالأرقام والكلمات، ويوضح ذلك بالأمثلة.

٠٨:٠٨

‏نسخة الفيديو النصية

قراءة وكتابة الأعداد حتى ألف.

هنتعلّم نقرا ونكتب الأعداد حتى ألف، بالأرقام والكلمات. هنبدأ نرسم جدول بالشكل الآتي. بعد ما رسمنا الجدول، هنبدأ نكتب الأعداد داخل الجدول، بالأرقام والكلمات.

أول حاجة العدد ١. بيتكتب بالطريقة دي: واحد. بعد كده ٢، بنكتب: اثنان. بعد كده العدد ٣، بنبدأ نكتب: ثلاثة. بعد الـ ٣، ٤، بنكتب: أربعة. بعد كده العدد ٥، بنبدأ نكتب: خمسة. يليه العدد ٦، بنبدأ نكتبه بالكلمات: ستة. بعديه العدد ٧، بنبدأ نكتب: سبعة. بعد كده العدد ٨، بنبدأ نكتب: ثمانية. بعد كده العدد ٩، بنبدأ نكتب: تسعة.

يبقى كده كتبنا الأعداد من واحد لحدّ تسعة. بالأرقام والكلمات. دي الأعداد اللي بنستخدمها في خانة الآحاد. طب بعد كده عايزين نكتب الأعداد في خانة العشرات.

هنبدأ بالعدد ١٠، بيتكتب بالطريقة دي: عشرة. بعد كده ٢٠، بنكتب: عشرون. بعد كده ٣٠، يبقى: ثلاثون. بعديه العدد ٤٠، بنبدأ نكتبه: أربعون. العدد ٥٠، بنكتبه: خمسون. بعد كده ٦٠، بنكتب: ستون. العدد ٧٠، بنكتبه: سبعون. بعد كده العدد ٨٠، بنكتبه: ثمانون. بعد كده العدد ٩٠، بنكتبه: تسعون.

يبقى كده كتبنا كمان الأعداد اللي بنكتبها في خانة العشرات. عايزين بعد كده نكتب الأعداد اللي بنكتبها في خانة المئات.

أول حاجة عندنا العدد ١٠٠، بنكتبه: مائة. بعد كده ٢٠٠، بنكتبها: مائتان. بعد كده العدد ٣٠٠، بنكتبها: ثلاثمائة. بعد كده العدد ٤٠٠، بنكتبه: أربعمائة. يليه العدد ٥٠٠، بنكتبه: خمسمائة. بعد كده ٦٠٠، بنكتبها: ستمائة. يليه العدد ٧٠٠، بنكتبه: سبعمائة.

بعد كده العدد ٨٠٠، بنكتبه: ثمانمائة. بعد كده العدد ٩٠٠، بنكتبه: تسعمائة. بعد كده عندنا العدد مية، لو اتكرر عشر مرات، يعني عندنا عشر ميّات، بيبقى عندنا عدد اللي هو ١٠٠٠. وبنبدأ نكتبه بالطريقة دي ألف. يبقى العدد اللي بعد تسعمية، هو ألف.

يبقى كده قدرنا نكتب ونقرا الأعداد حتى ألف، بالأرقام والكلمات. هنبدأ نجيب صفحة جديدة، ونشوف أمثلة إزّاي نعرف نكتب الأعداد بالكلمات وبالأرقام. مطلوب: اكتب الأعداد بالكلمات.

أول عدد عندنا هو ٧١٠، عايزين نكتبه بالكلمات. أول حاجة بنكتبها هو العدد اللي موجود في خانة المئات، اللي هو الـ ٧. الـ ٧ في خانة المئات، يعني سبعمائة. يبقى أول حاجة هنكتب سبعمائة. بعد كده عندنا العدد ١٠، و١٠ يعني عشرة في خانة العشرات، بنكتبها عشرة. يبقى سبعمائة وعشرة.

طب بعد كده عندنا العدد ٥٣٨. يبقى أول حاجة هنكتب العدد اللي موجود في خانة المئات، يبقى هنكتب خمسمائة. بعد كده بنكتب العدد اللي موجود في الآحاد. وبعديه بنكتب العدد الموجود في العشرات. عندنا في الآحاد ٨، يبقى نكتب خمسمائة وثمانية. بعد كده العدد اللي موجود في العشرات هو ٣، يبقى ثلاثون. يبقى خمسمائة وثمانية وثلاثون.

يبقى بنكتب أول حاجة العدد اللي موجود في خانة المئات. بعد كده العدد الموجود في خانة الآحاد. وآخر حاجة العدد الموجود في خانة العشرات. يبقى كده عرفنا إزّاي نكتب الأعداد بالكلمات. هنبدأ نجيب صفحة جديدة، ونشوف مثال تاني، إزّاي نكتب الأعداد بالأرقام.

مطلوب: اكتب الأعداد بالأرقام. أول عدد عندنا هو ثمانية وثلاثون. يبقى عندنا في خانة الآحاد العدد 8، وفي خانة العشرات ثلاثون. يعني العدد 3. يبقى كده قدرنا نكتب ثمانية وثلاثون، بالأرقام. وهو: 38.

العدد التاني هو مائة وواحد وعشرون. أول عدد بنكتبه هو العدد الموجود في خانة المئات، عندنا مائة. يبقى خانة المئات هيبقى فيها ١. بعد كده «وواحد»، يبقى هنكتب في خانة الآحاد ١. بعد كده «وعشرون»، يبقى عندنا في خانة العشرات فيه العدد ٢. يبقى لمّا نيجي نقرا العدد هو: ١٢١.

يبقى كده اتعلّمنا إزّاي نقرا ونكتب الأعداد حتى ألف، بالأرقام والكلمات.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.