فيديو: استخدام القيمة المكانية في كتابة الأعداد بالحروف والأرقام

ثمانون ألفًا وتسعمائة وسبعة وعشرون، اكتب هذا العدد بالأرقام.

٠١:٣٨

‏نسخة الفيديو النصية

ثمانون ألفًا وتسعمائة وسبعة وعشرون. اكتب هذا العدد بالأرقام.

إحنا عارفين إننا لمّا بنيجي نقرا أيّ عدد بنقراه من جهة اليسار، يعني من الخانة المكانية الأكبر. فالعدد اللي مكتوب عندنا، أول حاجة بنقراها فيه ثمانون ألفًا. يعني هنبدأ أول حاجة بقسم الألوف. جدول القيم المكانية بيتقسّم لمجموعة من الأقسام. أول قسم بنسمّيه قسم الوحدات أو الآحاد. اللي بعده بيبقى قسم الألوف. وعلى حسب بقى ما هنحتاج من أرقام نزوّدها هنعوز نزوّد أقسام القيم المكانية اللي عندنا.

دلوقتي إحنا آخر حاجة عندنا هي الألوف؛ عشان العدد لمّا جينا نقراه، زيّ ما قلنا من اليسار، كان أكبر حاجة فيه ألفًا؛ ثمانون ألفًا. يبقى قسم الألوف مش هنتخطّاه. ونبتدي نكتب العدد اللي عندنا حسب قرايته. «ثمانون ألفًا» يعني في قسم الألوف هنكتب العدد تمانين. يعني تمنية وصفر. يبقى صفر في خانة الألوف وتمنية في خانة عشرات الألوف.

هنستأنف ونكمّل باقي العدد اللي عندنا. «وتسعمائة» معناها إن عندنا تسعة في خانة المئات. يبقى هنحطّ الرقم تسعة في خانة المئات. نشوف باقي العدد. «وسبعة وعشرون» سبعة وعشرون معناها إن عندنا عشرين، يعني اتنين في خانة العشرات. وسبعة يعني سبعة في خانة الآحاد.

يبقى كده باستخدام جدول القيم المكانية، قدرنا نكتب العدد المطلوب مننا بالأرقام على الصورة اللي قدامنا دي.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.